الثقافة الجنسية حسب عمر الطفل
لازم كما نعلم الطفل الاكل والشرب وكيفيه التحكم فى الاخراج نعلمه ونثقفه جنسيا حسب عمره وده بيبدأ من الولادة وطبعا كل مرحلة ولها طريقتها فى التعامل الموضوع ده للاسف معظمنا كعرب نغفل عنه وللاسف فى نفوس غير سوية ممكن تتحرش بفلذات قلوبنا ولعدم علم الطفل بالموضوع او كون الكلام والسؤال عن أى شئ يخصه الاهل لا يردوا أو يقولوا عيب او يسخروا منه فتكون النتيجة أن الطفل لا يحكى للأهل وبالتالى للاسف بيكون غير سوى وممكن لما يكبر يكون مثلى لو كان المتحرش به فى الطفولة من نفس النوع وطبعا أكيد كلنا كل يوم بنسمع قصص حولنا للتحرش بالاطفالوللأسف طبيبي قريب لى حكى لى قصة عن رجل غنى جداااا وشخصية معروفة وثريه ولكنه مثلى للأسف وبكى بين يديى الطبيبي والسبب ان السائق كان يتحرش بيه وهو صغير لغايه ما أصبح شابا ولانه غنى بماله كان يستطيع ان يفعل اى شئ وكبر فى السن وتكفل بيتيم واصبح شابا فالطفل الذى رباه عايره بمثليته فما كان من الشيخ الثري الا أن يبكى بين يدي الطبيبب طالبا المساعدة وطبعا قصص التحرش عديدة
كيف أوصل المعلومة لطفلى بناءا على سنه ودون جرح مشاعره وحيائه
منذ الميلاد عندما تقومى بتحميم طفلك أو تغيير البامبرز لا تلمسي اعضائه الا للضرورة وأيضا قولى كلمة كل مرة وااو رائحتك جميلة - عيب حد يجي هنا- ماما بس -
عودى طفلك على قراءة قصص قبل النوم وتوجد قصص مخفضة كثيرة فى كل مكان وأيضا ممكن تقرأى له قصه مصورة من النت
فائدة القصص توصيل المعلومة بطريقة غير مباشرة للطفل طبعا أنا بأتكلم من ناحية الموضوع بتاعنا للقصص عدة فؤائد معروفة
واااو ماأدري كيف التصرف ابنى او بنتى سألتنى سؤال محرج
لازم تردى على السؤال ما تحبطيش طفلك فيضطر يدور برة عالمعلومة
مثلا ماما بطنك كبيرة ليه هتردى فيها نونو هيلعب معاك طيب هيجي متى هتردى بعد 9 شهور وهيجبلك حاجات حلوة معاه طيب هيطلع ازاى تردى الدكتور هيفتح بطنى ويطلعه طيب جه منين تقولى الكبار ماما وبابا بيحبوا بعض ومتجوزين فربنا بيرزقهم بأطفال حلوين زيك علشان بيحبوا بعض
دى أمثلة بسيطة اوعى تتجاهلى رغبه ابنك او سؤاله ليكى او تتعجبى امام ابيه كده دمرتى العلاقة اللى بينكم لانه هيفتكر انك بتسخري منه
من أول سن 3 سنوات هتعدي طفلك لدخول المدرسة هنتكلم ونفهم أطفالنا يعنى ايه أجزاء خاصة هتقولى لبنوتك ولتكن مثلا اسمها توتو يا توتو ينفع الناس تشوفك بتاكلى هتقولك عادى يا ماما تبوسيها وتقولى برافو بطلة طيب يا توتو ينفع الناس تشوف ماما بتقضى حاجتها فى الحمام هتقولك لا عيب يا ماا هتبوسيها كمان
يوم تانى هاتى صور لحيوانات ولنباتات ولاطفال واساليها فين العين اليد وهكذا عن أجزاء الجسم هترد وكل سؤال ببوسه وجائزة صغيرة ولتكن لبانه -شيكولاته المتوفر والمحبب لها وبعدين اسالى فين الاجزاء الخاصة بتاعة الحيوان هتقولك مش باينة تقولى علشان ربنا ملبسها فرو أو شعر علشان ما حدش يشوفها وكمان الوردة مقفولة لان أجزائها من الداخل ولو قطعنا اوراقها وشوفنا أجزائها الداخلية هتموت واحنا كمان لازم نلبس ملابس داخليه نحافظ بيها على اجزائنا الخاصة وكمان بنلبس لبس جميل فوقها
مرة تانية لازم نغسل وجههنا وأسناننا وأجزائنا الخاصة ماما تنظفها لنا
المخاطر التى تهدد اطفالنا
الاقارب
لاتتركى اطفالك مع أى أحد وخاصتا لو كانوا أطفال أكبر أو عم أو خال بنتك زي شنطة يدك لو معاكى الفين ريال فى الشنطة هتتركيها ولا هتفضلى ماسكاها فى ايدك ؟ طيب بنتك ولا الالفين ريال ؟
الشغالة والسائق
طبعا كل واحدة ولها ظروفها عند الاضطرار الى اللجوء لهما الشغالة لها شغل البيت انا اتعجب من صديقاتى يخافوا من الشغالة تحط سحر فى الاكل وبيتركوا اطفالهم معاها تحممهم وتأكلهم ابنك او بنتك مسؤلين منك ما حدش يطلع على عورتهم غيرك لأنك ما تعرفيش النفوس وكمان لازم الطفل يتعود أن المنطقة دى محظورة ماما فقط تنظفها حتى زوجك لا يراها يعنى لا تبدلى ملابس طفلك الا فى غرفة مغلقة وطبعا لا تبدلى ملابس أطفالك أمام بعض
للموضوع بقيه اذا وجدت تفاعل سأكمل الاتى
فترة المدرسة
كيفية تعامل الطفل لو أحد تحرش به
مرحلة المراهقة والاعداد للبلوغ كيفيه تجهيز أولادنا لهذه المرحلة الخطيرة
واخيرا الموضوع كله من مجهودى الشخصى وغير منقول ولا أحلل النقل بدون ذكر المصدر لانه جزء من دراستى وأرجو الدعاء لى بالرزق الحلال ولأولادى أن يكونوا من حفظه وحملة كتاب الله
معا لنصرة المصطفى @maaa_lnsr_almstf
عضوة نشيطة
يلزم عليك تسجيل الدخول أولًا لكتابة تعليق.
asool10
•
الله يسعدك انا فعلا بحاجه لهالموضوع
asool10 :
الله يسعدك انا فعلا بحاجه لهالموضوعالله يسعدك انا فعلا بحاجه لهالموضوع
اللهم أميين طيب تابعينى يا حبيبتى انا كل كام يوم ان شاء الله انزل موضوع ربنا يحفظ اولادك واولادى يااارب
الله يجزاك خيرا ع الموضوعالله يجزاك خيرا ع الموضوع
جزانا واياكى يا قمر
الصفحة الأخيرة