معاير العضوات تجربتي👀💔

في مره كنت اسولف بموضوع وحده الا وتجي وحده تهاوش ناسيه والله ايش السبب
بس كانت تسبب وتتفشش وتعاير وتقلب مواضيعي
وتتبلا المهم كل شوي ترجع تعيد روحي ربي بناتك موداريه عنهم وكلام كذا بكل موضوع تجيب سيرة عيالي بدون مقدمات


المهم انا الله يغفرلي للحين مانسيت ردي عليها
أستغفر الله قلتلها على الاقل ربي عطاني زوج وبيت وذريه
موزيك ياخاله لازوج ولا ذريه وكل شوي ترجع تجاكر وتعاير بالكذب وارجع اقولها ياخاله هدى بيننا مو تشعللي ولا لأنك محرومه المهم دعيت عليها ودعت علي وجلسنا كذا ساعه ردح دعاوي ومعاير




وربي يابنات اليوم الثاني بنتي تركتها عند ابوها ودخلت اتألم فيني دوره الله يكرمكم المهم غفل عنهم الا ويجي يسألني شريط الحبوب كم فيه اطيح واقوم موقادره أوقف كويس اتذكر دعواتها ان الله يحرمني من نعمه الذريه اتذكر ضحكي وكلامي واحضنها واصيح كنت متيقنه انها بتموت مدري كم بالحبوب وكم بلعت وقام هو حصل حبات مرميه وعدها وصار الناقص نص حبه ونصها موجود شربتها حليب و اخذت الحبوب ورحت المستشفى قالو دام اخذت نص حبه مايضرها راقبو حركتها 12ساعه وماعليها شر


بس سبحان الله استشعرت ان النعم بلحظه تزول
وأن المعايير سوء ادب مع الله
لانه هو الرزاق وهو اللي عطاك قادر بلحظه يحرمك من عطاياه اللي تتفاخرين بها على عباده


البنت بعد يومين نزلت موضوع تعتذر وتطلب السماح وموضوع كلو هدوء مع انها مشرانيه كانها مسجله عشان بس تهاوش وتعاير👹😎
حسيت ان جتها قرصه زي قرصتي من دعاوينا على بعض


وعم الهدوء والسلام
والحين شفت وحده تعاير وحده بموضوع جسم المغربيات لأنها ماجابت ذريه تقولها مفيش اطفال كانها هي الرازق قشعر جسمي وكتبت الموضوع ذا للتذكره
{فذكر بالقرآن من يخاف وعيد} 💜