معاي أرق من 5 شهور

الحل عودي اولادك اللي على المنصه يعتمدوا على انفسهم اشتري لهم منبه يصحو الصباح ماصحيوا يتحملوا النتيجه والعصر كمان عوديهم يعتمدو على انفسهم ومتى ماجاك نوم نامي شيليهم من بالك كبار ويفهمو مو مشكله اذا احتاجوك في مساعده ساعديهم مو ترابطي معاهم


اهم شي صفي تفكيرك لاتشيلي هم شي لانك واضح شايله هم كل شي عشان كذا عقلك صاحي وجسمك تعبان


وجود بيبي عمره بالاشهر لازمه جهد وطاقه لانه ياخذ طاقتك وجهدك ركزي معاه لانه هو اللي بحاجتك حاليا


ابعدي هالفتره عن المنبهات واشربي بابونج يهدي اعصابك ويساعدك على النوم وبرضو مغلي النعناع او حليب دافي مع عسل او لبن كلها تهدي وتساعدك تنامي


حددي لك ساعه في الليل ماتتجاوزيها بالسهر يعني مثلا الساعه ١١ خلاص انت وعيلتك كل واحد جاهز للنوم ولما تنامي فضي بالك من التفكير ركزي انك بتنامي نومه عميقه وهاديه واقراي اذكار النوم واية الكرسي والمعوذات ولاتشيلي هم بكرى


لنفسك عليك حق الارهاق والارق اكبر مدمر للدماغ فانتبهي لنفسك


الله يهدي بالك ويساعدك

فيه شاي اعشاب في ايهرب
منوم ومهدئ للاعصاب
استشيري طبيبتك قبل تاخذينه
مع اني اشوفه طبيعي ولكن الاستشارة ضرورية

معليش اللي بالمتوسط يعتمدو على نفسهم
ليش تصحي معاهم
ماهم اطفال عشان تقعدي تراقبيهم دخلو ولا لا
ترا المنصة مافيها لعب
والطلاب الحين عارفين انها نفس المدرسة حضور وواجبات ودرجات
يعني الا وماحيسألهم المدرس ولا المعلمة
ولو نامو ولا ماحضرو عاقبيهم
مرة واثنين وعشرة بيمشو زي الالف
واذا كانو معلمات اتواصلي انتي معاهم بالواتس اسألي عن مستواهم وحضورهم
ولو اولاد ابوهم يتواصل مع المدرسين
وكبري المخدة ونامي لين الظهر صلي وافطري واستعدي مع ولدك اللي بالابتدائي
ريحي راسك الحين واشبعي نوم
لايكون الترم الثاني حضوري وقتها مجبورة تصحي الصباح تصحيهم للمدرسة