معاي تابعه وابي اسألكم عن الشيخ رشيد

بنات انا معاي تابعه وتسببت لي في توقف نبض الجنين بالسابق و حاليا كلما عملت عملية حقن مجهري تجيني احلام غريبه ( الله يبعد الشر عنكم ) حيوانات تهاجمني و ناس واشياء غريبه وطول السنه الحمدلله صرت ما اتحلم ابشي مثل قبل ولكن اخذ أبر و أعمل العمليه و أتعب و أخسر اموال واعاني من تعب نفسي وجسدي واخرتها اشوف احلام مزعجه احس منها ان خلاص العمليه فاشله وسبحان الله تفشل.

عالجت نفسي بالرقيه واستمريت على قراءة سورة البقره يوميا وانا الحمدلله انسانه مؤمنه ومحافظه على صلواتي وقراءة القرآن واقرى اذكار الصباح والمساء صحيح ان اللي فيني صار أقل من السابق وهذا كله بفضل قراءة القرآن لكن لازال موجود فقلت اريد شيخ يساعدني يقرأ علي الرقيه عل وعسى القى عنده الشفاء طبعا الشفاء بيد ربي سبحانه لكن انا ابغي اسعى و ان شاء الله ربي يشافيني.

فبسألكم الشيخ رشيد اللي بالخفجي موجود بالوقت الحالي والا طالع اجازه؟

و اللي جربته تقولنا تجربتها وهل هي استفادت منه والا لأ؟

بانتظار اجابتكم جزاكم الله خير