معاي حق ازعل واقطع روحتي بيتهم او لا انصحوني

السلام عليكم ورحمه الله وبركاته
يابنات ابي استشيركم بشي مهم وياريت الكل يعطيني جوواب لو انتو بمكاني وش بتسوون انا عندي بنت خالي مثل اختي ودايم أسبوعيا اروح لها وهي ماتقدر تجيني لانه مشوار تقريبا ربع ساعه وزوجها يكون بشغله صار لنا علي هالحال سنتين وانا اروح اغير جو عندها وننبسط ووناسه الي صار انه قبل ممكن 9 شهور كنت رايحه لها وادق علي جوالها وارن الجرس وانا متفقه معاها اني بجيها وماحد رد زوجي قال لي خلاص اركبي السياره وقفتك بالشارع مو حلوة وركبت ومشينا ودقت علي بعد ربع ساعه قالت لي يووة توني منتبهه للجوال والتكييف شغال ماسمعت الجرس وقلت صار خير ومشي الموضوع عادي مع انه زوجي عصب دق مشوار علي الفاضي ومن قبل 4 شهور تكررت نفس السالفه وقالت لي انها كانت تغير حفاظه ولدها بالحمام ومااسمعت الجرس ونفس الشي رجعت مشوار علي الفاضي وتمشكلت مع زوجي والبارحه صار نفس الموضوع رحت لها وادق ادق جوالها مقفل والجرس ادق ماحد يرد علي وعصب زوجي وقال لي اركبي والثالثه ثابته لا عاد تقولين لي ودني عند بنت خالي ابد وما الومه ودقت علي بعد مارجعنا تخيلو بساعه تقول يوه نسيت أقول لك جرسنا خربان قلت لها جوالك مقفل قالت لا مافي ارسال نسيته بغرفه نومي وجلست تتعذر وانا قلت عادي وصار خير بس زوجي حلف ماعاد اجي عندكم وقالت يوة ومكبر السالفه وماادري ايش وتعذرت منها وسكرت من عندها وانا زعلانه مره بس مابينت لها وانا وهي علاقتنا مره حلوة وهي تنبسط لا رحت لها كثير وتغير جو لانها ماتطلع من بيتها بس الله يهديها عندها لا مبالاه عجيبه ماتنتبه لشي ومهمله شويات وانا زوجي طيب ممكن بعد شهر ينسي السالفه ومع الزن يرجع يوديني لها بس انا من داخل ماودي ارجع ازورها ابد ابد خلاص قلت بشوفها بالزيارات العائليه كل كم شهر وانتهينا هل قراري صحيح او انا مبالغه بزعلي ياريت تنصحوني وش اسوي وربي يجزاكم الجنه