مافيه احراج ولا شي انه الانسان يتعالج عند طبيب نفسي
انا كنت اروح وكنت اقول اني رحت ولا احد يستزي
وكانت عند مشكله الخوف والهلع وكان يجيني ضيق في التنفس واقترح الدكتور اني اروح لنفساني لان يوم كنت في ابتدائي حصل حادث في باص المدرسه وتعبت نفسيا
حتى بعد ماتزوجت الحاله لازالت
وبعد ما نقلت هنا الدمام زادت عندي من الوحده
وكنت اروح مستشفى ارامكو وانا تعبانه وكانوا ياخذون زوجي على جنب ويسالوه اذا مزعلني
ويسالوني بعد
وبعدها حولوني حق عياده نفسيه عندهم وكانت دكتوره اسمها مريم ارتحت لها كثير
صحيح هي ماعطتني علاج بس كانت تتكلم معي وصحيح انا من زمان مارحت لها من عشر سنوات او اكثر بس احيانا لما اتضايق اذكرها
بس يوم اتعالج من قبل كان يعطيني علاج وبعدها خفف العلاج الي ان قطعه مره وحده

عندنا حتى لو الواحد يتعب نفسيا ويفكر في بعض الاحيان بالانتحار (والعياذ بالله) مايتقبل يروح طبيب تفسي لأن الناس عندهم فكره ان الاطباء النفسيين للمجانين بس
مثل الجسم مايتعب الروح ايضا تتعب وتحتاج لاحد خبير يعالجها
انا عن نفسي اتمنى اروح لطبيب نفسي افضفض واقول له الي بداخلي لأن في بعض الاحيان مو كل شي نقدر نقوله لناس والاهل
هذا غير ان في البعض تتندم قد شعر راسك ان صارحته مايصدق على الله يروح ينشر الخبر
في الغرب مافيه اطلاقا هالتفكير بالعكس نشوف حتى مشاهيرهم يصارحون ويفتخرون بعد

hانا بصراحة رحت لعيادة الدكتور صلاح الراشد اللي عندنا بالكويت مو حقي لكن عشان بنتي كانت شخصيتها خجولة وما تتكلم تحس ان الناس كلها ما يبونها وما يحبون يلعبون معاها المهم لما وديتها كانت الدكتورة مو ذاك الاهتمام اللي كنت متوقعته لكن قالت لي تدرين منو المريض بعد ما تكلمت مع بنتي ومعاي ومع زوجي: قالت الام هي المريضة(انا ههههه)
لكن ماخليت احد يدري خفت على بنتي لا يعيبون عليها الصغار ويقولون عنها مجنونة والله ما صدقت انها صارت زينة .. اما انا فما رحت والسبب الحقيقي وبصراحة :
خفت لو رحت ياخذها علي زوجي في اي زعلة بيننا ويقول منتو مصدقين شوفو ملفها بالعيادات النفسية انا يالله متحملها فشريت نفسي وما رحتلهم مرة ثانية مع انهم يستقبلون الاتصالات .