احبتي في الله .....
لابنائنا علينا حق كبير ... كما لامتنا علينا حق كبير ...
ولا تصلح امتنا الا بصلاح اطفالنا امل امتنا القادم ...
حبيت نسوي حلقة نجمع فيها افكار لتربية الصحيحه
وتعليقهم بالله وكيف ندعم توكلهم وحبهم لله
اكرمونا بتجاربكم واتحفونا بدرركم لعل الله ينفع بها
وانا راح اذكر بعض تجاربي الايجابيه مع اطفالي
اولا : -
اضع للطفل لوحة جدول فيها نجمات عن كل عمل طيب يسويه الطفل
ونكرم الاكثر نجمات وياليت نركز على الامور الايمانيه وندعمها
وصدقوني لها اثر عجييييييييييييييييييييييييييييييييييب
الثاني : -
اذا اراد الطفل شي او عوره شيء دعمي تعلقه بالله قةلي له ادع الله
وراح يستجيب لك اذا دعيته ... واذا صار له قولي له شوف الله يستجيب لك
لانك تطيعه ... وانه كريم اذا دعيته يعطيك ...
اعرف اخت تتكلم عن زميلتها وهي مدرسة عقيدة ...
تقول دخلت على طفلي عمره 4سنين يدعوا وماسك بطنه
قالت له شفيك قال انا بطني يعورني وقاعد ادعي ربي علشان يشفيني
لله درها اسست ابن الرابعه ودعمت توكله على الله
ثالثا : -
ابدي بوقت مبكر لتعليم الصلاة والمواضبه عليها ...
من 4 سنوات اذا دخل وقت الصلاة خليه يصلي معاك ...
واذا طافته صلاة خليه يصليها لا تقولين صغير خليه يتعلم ان حق الله الاول
في حياته وما يقصر فيه علشان اي شيء ... واذا دعمنا هالامر بالصغر
يرسخ في قلبه ولا يستطيع تركه
اعجبتني شجره نزلتها احدى الاخوات للصلاة رائعه واثرها عجيب
اليكموها احبتي ,,,,,,
اخيرا .....
اجعلي طفلك دائما يستشعر قرب الله منه ومراقبته له
اذا اخطأ بيني له كيف تعصي الله وهو يراك والحين سخط عليك
وونست ابليس وهو عدوك ,,, اذا سأل شسوي علميه يستغفر
وحببيه بالجنه وكلميه عنها وكذلك الصحابه وحبهم للرسول
وقولي له تبي بيت في الجنه ؟؟؟؟؟
خلنا كل يوم نبني بيت ... نقرأ الاخلاص 10 مرات
تبي تصير من اهل الله وخاصته ؟؟؟؟
تعال نحفظ القران لان حفظة القران هم اهل الله وخاصته
وعوديهم على الاذكار اذا طلع ذكريه بدعاء الخروج من المنزل وركوب السياره
اذا اقبلتوا على البيت دعاء دخول المنزل وجميع الاذكار كل موقف ذكريه بذكره
واضيفوا درركم رعاكم الله ابي استفيد بارك الله فيكم
-