معا لحفظ القرآن باسهل طريقة ممكنه حتى واحنا بنعمل شغل البيت

السلام عليكم :
انا من زمان جدا نفسي احفظ القرآن الكريم و كل المشكلة اللي بتواجهنا طبعا هيا الوقت الفاضي للحفظ والمراجعة , وفي طريقة سهلة جدا الحمد لله عملتها و عجبتني جدا و حبيت انكم تشاركوني بيها , جربت و نزلت سورة البقرة على الكمبيوتر و بعدين قطعتها مقاطع صوتية أول مقطع حوالي 25 آية(تقريبا ربع حزب) والباقي يبقو بنفس الحجم تقريبا و نزلت المقاطع دي على الكمبيوتر و حنزلها على الموبيل كمان باذن الله و اشغل أول مقطع بحيث انه لما يخلص يعيد نفسه تاني لوحده وانا بعمل اي حاجة في البيت معايا الموبيل شغال لحد ما الواحد يحفظ المقطع تماااام وبالتجويد كمان و بعدين ننقل للمقطع اللي بعدية ونراجعهم مع بعض و كدة , و حبيت اني الاقي حد يشجعني ونحمس بعض من الأول عشان ربنا يكرمنا كدة بس عشان يثبت في دماغنا ضروري نقرا تفسير مبسط على الاقل للمقاطع دي من أي كتاب تفسير كويس و يا ريت نقدر نحاول حتى هنا ننزل التفسير المبسط دة .....


عشان أسهل علينا قطعت أول ربع حزب من سورة البقرة و حطيته في الرابط دة و باذن الله ححط بقيت الروابط كل اسبوع رابط ولا انتو رأيكم اية ؟

يا ريت تشاركوني يا جماعة وتقولولي رأيكم في الفكرة دي ونحاول نساعد بعض على حفظ كتاب ربنا , يا رب يشفع لنا عنده باذن الله :)

على فكرة والله العظيم انا مش ناقله الفكرة من أي حته دي بس طريقة فكرت فيها للضعاف في الحفظ زي حالاتي ومش منزله الموضوع الا في المنتدى هنا وواحد تاني وبس عشان اجمع مجموعة كويسة نتشجع على حفظ كتاب الله سوا

الرابط أهو يا جماعة على الرابيد شير



http://rapidshare.com/files/286062709/002-01.zip