باذن الله هنزلكو طريقه بيتزا جديده وان شاء الله تحوز علي اعجابكوا وكمان هحاول اشرح شرح مفصل للبنات اللي بتفشل معاهم المعجنات والعجينه دي تنفع للفطاير كمان.
وعلي فكره البيتزا دي فيها سر يقال انه السر في طريقه عمل دومينوز بيتزا .
المقادير كيلو دقيق وكانزايه بريل اللى هو عباره عن ماء شعير مضاف ليها صودا اللى طعمه وحش اوى ده اه والله ماتستغربوش ونص فنجان زيت وخميره ومعلقة صغيره عسل ونحط عليها البريل بس مايكونش ساقع ونسيبها تخمر لمده ساعة او ساعتين وتفرديها فى الصنيه وتحطى عليها الحشو اللى انتى عايزاه وبعدين تكونى مشغله الفرن لمده ربع ساعه على 260 وبعدين تدخلى البيتزا على الرف اللى فى النص لمدة 7 دقايق وبس وبالهنا والشفا
الصور بالتفصيللللللللللللللللللل.
هنا حطيت كل المواد الجافه علي الدقيق
.
هنا حطيت البريل اللي هو البربيكان.
وابتديت اعجن خدوا بالكو من شكل العجينه هنا لسه محتاجه ازود تاني.
هنا بقي عملت الغلطه وزودت بدون حساب فعجنت لحد ما بلقيتها بتلزق ومحتاجه دقيق.
هنا زودت دقيق ربع كوبايه.
وهنا عجنت وبس خلاص مش محتاجه ازود واتلمت العجينه.
وهنا بقي سر طراوه العجينه والطريقه دي اللي هتجربها هتحس بطراوه وبياض للعجينه رائع بس هي متعبه جدا واللي عاوزه تزود الزيت في الاول براحتها.
هنا حطيت الزيت وابتديت اعجن تاني.
هنا قطعت المكونات لانشون فلفل رومي بصل زيتون .
هنا بدات افرد العجينه وهقلكو معلومه وانت بتفردي العجينه افرديها شويه ولو لاقتيها بتلم تاني من علي الاطراف سبيها 5 دقليق وارجعي اضغي تاني .
الصلصه عباره عن صلصه بيتزا عليها صلصه طماطم عليها كاتشب ونقلبهم ونفردهم علي العجينه.
دي كانت بالبسطرمه .
دا شكلها بعد ما استوت ويارب تعجبكم.