صباح الخير
بنات اللي قالت نخلط حليب مع تمرر انا معايا فقر دم بس وشلون الطريقه الحليب حار ولا بارد

انا اليوم مكسله بنتي الله يصلحها صحتني بدررررررري وامس اخوها نام بطلعت الروح... واليوم ماااااني رايقه يبغالي تنظيف الدواليب بس حاسه نفسي مالي نفس اسوي شئ

ابدد ابددد ابددددد
...

نجموووووووومه

انا والله زيك شقتي صغييره مرره ومااحب غرفه الشغاله تكون جنبي ابيها بعيده عني مرره . بس ان شالله اذا نظمت نفسي مااحتااجهاا واولادي لسا صغاار

وبالنسبه للاكياس مرررررررررريحه مرره اول مرره لما قريتها هناااا جمعت كل الاكياس اللي عندي وجلست بالصاله ولفييتهاا كااني الف سنبووسه:hahaha:

وفيه فكره حلوه كمان قريتها هناصررت اطبقهاا بين فتره وفترره

فيه براد شاهي قديم ومااحتااجه احط مويااا وارش عليهاا من العطرر اللي احبه او من عطورات البودي شووب او زهور الريف وخليها على النارر واستني شوي وتعالي شووفي ريحة البيت . :32:

عنجد استفدت من القسم هذا وقسم االتجاار ب شئ كثييييييييييير الله يجزيهم كل خير يارب

شووفوو الرابط هذا لف المناشف

حلووه فكرتها ماشالله عليهاا

http://forum.hawaaworld.com/showthread.php?t=814477

صباح الخير اتعودت عليكم اني لازم اصبح عالحلوات الامورات اللهلوبات السنعات ......... اتحسب نفسي مدرسة روضه
هلا اختي نجمه استايل انا من الامارات وعندي شغالتين بس ما اعرف لازم احوس في المطابخ واذا ما وسخت نفسي بريحة الشياط ما ارتاح
امس خلصت من المطبخ عالساعة وحده الظهر وبهدلوني اعيالي المأجزين واحد مصمم يرتب وياي (( قصدي يخرب ))ولا مختار ينظف المكيف عمره 6 سنين ما ادري شو ظان طوله وين بيوصله والثاني عمره13 سنه صعبانه عليه يترجاني اطلع من المطبخ ويقول امي خلاص تعالي بجلس وياك انتي كله تشتغلين والله صعب علي يشرد من المذاكره
اليوم من الفجر ما زلت صاحيه بعد الصلاه مشيت عالجهاز 5 دقايق ومليت وطلعت امشي في الحوش كان الجو حلو وايد واسمع العصافبر تسبح وصرت اسبح وياها وولدي عمره16 سنه واقف وياي يتريا الباص اليوم بدات امتحاناته والله يوفقه وينجحه وكلمني فديت الاولاد وايد احبهم احسن عن البنات الدلوعات الحساسات زياده عن اللازم ما تقدرين تتمصخرين وياهم اشوي الا مدو البوز لكن الاولاد سوي اللي تسوينه لا احساس ولا زعل
ولما بدت الشمس ترتفع شوي حرت الدنيا دخلت داخل وفطرت ويا زوجي اللي يدورني سويت وياه توم وجيري اهو يطلع منها الباب يدورني في الحوش وانا اكون وصلت الجهة الثانيه يردلي مني اسير مناك وانا يا غافل لك الله ما ادري اني اثرت طوارئ في البيت واللا اسمع هاذيك الزعقة ((ام .......... )) وينك خفت ودخلت داخل اتحسب انه معصب اني امشي في الحوش بدون غطى على راسي اثاري الريال خايف علي (( مسكين ))
المهم اليوم انا ماخذه اجازه من البيت بعد شوي بسيير اييب بنتي من الجامعه انا اسوق بروحي سياره ويوم تخلص محاضرات بدري اسير ايبها بروحي وابوها يوصلها الصبح ولما تتاخر في المحاضرت هو يردها
لكن اعرف عمري ما اقدر ايلس في نيتي ارتب غرقة الولد الكبير بشوف منو يغلب قرار الاجازه الصادر من جسمي التعبان واللا عقلي اللي يفتر يفكر في الاشياء اللي تبى ترتيب في الغرفة قبل يومين جردت ثيابه وطلعت اللي مايلبسهم والحين باقي الادراج والتسريحه وما ادراك ما التسريحه اللي فيها ما لا يخطر على البال من كابات واحزمه للبناطلين ولدي عاشق بناطلين وفوضوي درجه اولى ما يعرف شئ اسمه ترتيب والله المستعان والعصر ناويه ازور اهلي امر عليهم اخر الاسبوع واتعشى عندهم

اتذكرت اني ما بسير بيت اهلي اليوم اخت زوجي بترجع بيتهااهي جارتي وصارلها اسبوعين رايحه عند ولدها في اماره ثانيه وانا وايد علاقتي بها حلوه الله لايغير علينا بنظف لها البيت وبسويلها عشاء بيتها ما شاء الله مليان تبى عشوه محترمه لانه اختها بتي تسلم عليها وعيالها وياها وزوجة ولدها وبنتها متزوجه بتي اهي وريلها يعني العائله بتجمع عندها وانا وياهم ونبى عشاء محترم شو افكاركم؟؟؟ حق العشاء