نجمه ستايل :

مرحبا بأهل تونس الخضراء كيف الحال شوفي حبيبتي مشكلة الشقه الصغيره لازم يدك تكون في البيت على طول بقولك طريقتي بالبيت لأني بشقه صغيره مثلك 3غرف نوم وصاله وغرفة جلوس ودورتين مياه ومطبخ طبعا وجلست العائله على طول بالصاله وهي مفتوحه على البيت كله يعني يدي فيها على طول شوفي أول ماأصحى من النوم أفطر ودخل النت عشان أروق الساعه 8 الصباح أبدى شغلي وحيان أول مايطلع الأولاد للمدرسه أبدى حسب المزاج وقول بسم الله وبدى 1-أحط الملابس بالغساله وخليها تغسل الملابس وتنشفها وبالفتره هذي والملابس بالغساله أروح لدورة المياه 2-أغسل دوراة المياه وطريقتي(أحط شوي من الكلوركس مع صابون بونكس برائحة الياسمين بعدين أمسح الأرضيات بفوطه ناشفه ولمع الزجاج) 3-أروح للغرف ورتب المفارش ومسح الأثاث(كل جمعه أغير مفرش غرفتي ولأولاد كل شهر مره) 4_أنتقل لصاله أرفع المراتب ومسح تحتها ونفض الغبره منها وسحب الكنبات وكنس تحتها ورجعه وبعدين أمسح الأثاث ونا البيت كله سيراميك أحط في سطل مويه وشوي من العملاق الأخضر وقليل جدا كلوركس وحيان أذا كانت الأرض نضيفه أحط بليدج للأرضيات مع الماءروعه وبدى بالغرف وبعدين الصاله شغلي هذا يستغرق مني ساعه وحيان ساعتين أذا كنت باديه بشغلي الساعه 7 أرجع أنام الساعه 9 وصحى الساعه 11 ونص وحيان ماأنام أجلس على النت بعد ما أسوي الغداء أخليه على النار وكوي الملابس ألي غسلتها بالصباح ورتبها بالدواليب وذا كان مسويه أكثر من طبخه أخلي الكوي بالليل أهم شي لاتراكمين الكوي ولا رحتي فيهااااااا بعد الغداء أشطب المطبخ ومسح الدواليب على طول من برى بفوطه مبلوله بماء وشوي ديتول أو بليدج لأن مطبخي خشب وأبيض يحتاج تنظيف على طول وخصص يوم مثل الجمعه لتنظيف وترتيب الثلاجه وغسل الارضيه بصابون وباقي الأيام أمسحه زي طريقتي بأرضية البيت قبل ماأنام أرتب الصاله وشطب المطبخ وحط فواحه بالبيت لاكن لابد تحطين جدول لك حسب الوقت ألي يريحك للأعمال ألي تحتاج تنظيف عميق مثل ترتيب الدواليب غرف النوم ومسحها وغسل الشبابيك وغسل جدران الصاله ودورة المياه من فوق لتحت وهذا يرجع لوقتك أتمنى أنك تستفدين

مرحبا بأهل تونس الخضراء كيف الحال شوفي حبيبتي مشكلة الشقه الصغيره لازم يدك تكون في البيت على طول...