مرحبا أختي دعاء
شوفي حبيبتي غيري مكان بعض قطع أثاث في المكان المعتاد تجلسون فيه وحطي أضاءه خافته وفواحه ورتبي فاكهه بشكل رائع مع عصير حلو وفيه عصاير حلوه ممكن تسوينها أو قطع تشيز كيك أو عشاء بسيط

غيري مفرش غرفة النوم مو شرط جديد حتى لو قديم بس شكله حلو وبخريه وحطي باقة ورد في الغرفه ألوانها جذابه
وغيري ترتيب التسريحه يعني مثلا ممكن تجيبين سله خوص مسطحه أو صحن قزاز شفاف مسطح ونثري ورد مجفف وحطي العطور عليه وزعي شموع أو لمبات صغيره جدا ملونه تقريبا طولها مترين حطيها على التسريحه من فوق أو على السرير تعطي منظر رائع بالغرفه

قبل مايجي بيوم أهتمي بمظهرك سوي فتله وتنظيف بشره وصبغة حواجب وحلاوه للجسم وسوي يوميا صنفره عشان تعطي نعومه
شوفي بدي شوب عنده زبدة للجسم ريحتها روووووعه وذا أمكن تشترين قميص نوم جديد نعوم مو شرط يكون غالي

ولا تنسين تستقبلينه بعبارات الشوق والترحيب والتغنج وحاولي قدر الامكان ماتكلمينه بشكل يومي أو ترسلين رسايل عشان عند اللقاء يكون فيه أشتياق

أتمنى أني قدمت ما يفيدك

اهلن فيكم ان شاءالله نستمر معكم



باروح اخلص لي كم شغله واجيكم >>>> شفتوا السنع بدا :)

صبا الخير بنات
جمعه مباركه بأذن الله

صحيت الساعه 10 الصباح لأن بنتي الله يصلحها سهرتني طلعو العيال وبوهم للصلاة وحاطه لي ساعه ونصف لأنجز ترتيب البيت طبعا غداء مافيه يتغدون عند جدهم والبنات ياخذون أي شي أشوفكم أن شاء الله الساعه 2 الظهر عشان أشوف وش أسوي شغل بالمساء

أم خطاب هلا والله بالسنعه كذا الحماس ,,,,بس ماقلتي وشو شغلك يمكن نغار ونسوي مثله؟؟؟

خخخخخخخخ عز الللله بتتعبون اذا عرفتوا وشو الشغل كل شي :(



راكمت الشغل الين توهقت والحين كتفي يعورني مرررررررررررره


مسحت رخام البيت كله
ونظفت المطبخ ومسحت الارضيه
غسلت بقي المواعين >>>> اكررررررررررررره شي

غسلت الملابس :(


وتعبت مررره وان ءالله التزم بالجدول الي حاطته




اليوم على اساس تجيني شغاله بالساعه تخلص باقي الشغل بس حسبي الله عليها زلبتني :(



الله يعينا على الشغل وانا بكره وراي دوام بالجامعهاذا روقت بابدا اكمل



دعواتكم:)