هلا فيكم بنات

لا تزعلون ولا تشرهون لو ما سألنا عن الغايب لين تخلص أزمة الاختبارات

انا اغيب كم يوم ما حد يسأل لكن عذركم معكم

سلااااااااااااااااااااااام كبيييييييييييييير
للغالين


طبعا قريت ردودكم كلها وراح أستلمكم وحده وحده
أم سلوى
مبروك الموكيت الجديد مع أنه متاخر بس والله مو بيدي
والبنات ماقصرو باركولك


--------------------
في ديرتنا
مشكوره ياقلبي على الماسك وبأذن الواحد أحد راح أبدا فيه من بكره
وماشاء الله تابعت يومياتك الله يعطيك العافيه والصحه

-------------------
أم الأبناء
الله يوفق عيالنا وينجحهم ياااااااااااااااااااارب

-------------------
دلعونه
أشكرك على سوألك عني وصدقيني غيابي مو بكيفي والله الأتصال مو راضي معي
الله يستر ومايعيدها
بس وين مشاركاتك ماشوف لك يوميات بالشغل

-------------------
الدلع
مشكوره ياقلبي على سؤلك أنا الحمد لله بخير

------------------
حلا شقراوي
وشخبار الوالده أن شاء الله الحين أحسن
الله يخليها لكم ولا يحرمكم منها
بالنسبه لطريقتك بالطبخ حلو عشان تعرفين وشتحتاجين وتكون متوفره
وذا تبين نحط جدول للطبخ اليومي من فطور وغداء وعشاء

------------------
أم يودي
الله يوفق عيالنا يارب
وبالنسبه لقتراحك عن توحيد وقت الشغل
ماتوقع أني راح أنتظم معك
لأن شغلي منظمته بوقت معين يعني متى أغسل ملابس متى أرتب غرف وغيره
ويمكن وقتي مايناسب وقتك
ولا وشرايك؟؟؟؟
بالنسبه للمكنسه هي تكون قاسيه بس لما تحطينها بالماء تكون لينه مرررررررررررررره
لاتفوتك روعه لسراميك مقدر أستغنى عنها

------------------
الأثير
وشخبارك ياقلبي وشخبار البيت الجديد
طمنينا المطبخ طلع نفس ألي تبينه وشلون المطبخ
وبالنسبه لطريقتك لكيس المكنسه حلوه أنا أحط أحيان عطر أو كور خشبيه معطره


--------------------
ندى المطر
الله يقومك بالسلامه ويرزقك الولد الصالح المتعافي وتشوفينه أمام مسجد بأذن الله
بعدين ليش تشترين لون وردي خلي لبستين محايد والباقي خليه بعد ماتعرفين نوع الجنس

-------------------
عباير
ياقلبي والله يوم قريت موقفك مع حماك وخواته حسيت فيك الله يعينك

-------------------
أم خطاب
وشخبارك وشخبار أمتحاناتك طمينا بالنتيجه على طول
وأن شاء الله نااااااااااااااااااجحه وبجداره

------------------
ريماس 99
الله يتقبل منك صيامك للأيام البيض تصدقين مدري وشيمنعنا من الصيام الله يسهل لنا ونقتدي فيك ونصوم
حلو بنات نذكر بعضنا بأمور ديننا
الله يجعله من موازين حسناتك

-------------------
مارفا
كيفك ياقلبي وشخبارك مع الشغل كلشي تمام

------------------
مشاعر طفله
منوره وسعدنا بحضورك خلينا نستفيد منك وعلمينا كيف تسيطرين على الشغل ألي مايخلص

الحايره

وشخبارك يالغاليه أعذريني لأني مسئلت لأني ماكنت متواجده من فتره
بس والله لك مكانه أنتي وكل الخوات
لاتزعلين ومانستغني عنك ولا عن أي وحده
يالله رضيناك بنشوف أنجازك
على فكره وشخبار رجيم التمر والبن نزل وزنك؟؟؟

وكذلك أختي حلا شقراوي
ولله مو قصدي ماأسئل أنه نسيتكم بس كنت مو متواجده من فتره

أتمنى من البنات مايعتبون لو مسئلنا عنهم والله مايمنع الا الضروف ونتم عارفين أننا هنا كلنا خوات وما بيننا عتب
الله يديم المحبه ونكون خير معين لبعضنا

أحبكم كلكم

يومياتي
أول ماصحيت رتبت الصاله وغرفت العيال الصغار وغسلت الحمامات الله يكرمك
بدينا مذاكره الساعه 5 العصر وبعد المغرب راحه سويت لهم قهوه مع حلى بعد صلاة العشاء بدو مذاكره
طبعا خليتهم يحفضون ورحت أغسل ملابس عباره عن دفعتين وركبت على العشاء عباره عن مكبوس رز مع خضار ودجاج
رجعت أسمع لهم بعدها تعشوا وغسلت المواعين باقي أمسح الصاله بمطهر وكوي الملابس عشان ماتتجمع
وبخر البيت

بالنسبه للعطله وشبتسوون
بالنسبه لي


ماعندي صديقات أكون معهم برنامج بس وحده وراح تسافر لأهلها الله يصبرني على فراقها
وهلي راح أشوفهم بس مو يومي عيالي مايروحون ألا لما تكون أختي فيه
وأهل زوجي ساكنين جنبي وماأشوفهم يوميا تعرفون صعبه يمكن بعد 3أو4أيام
يعني مجتمعي محدود
والعطله طويله عشان كذا قررت

البنت الصغيره بدخلها بنفس الروضه عندهم أنشطه
ولأولاد يمكن أدخلهم مركز صيفي أو نادي رياضه
والبنت الكبيره محتاره بشوف مدرسه قريبه عندها أنشطه أو دورة أنجليزي وحاسب ماحددت لحد الحين
وبالنسبه لي بدخل عاااااااااااااااااااالم الأسهم الله يستر وماافقر زوجي خخخخخخخخخخخخخ
يمكن الصباح أدخل نادي رياضه لأنه قريب من البيت وشغل البيت والرجيم لوحده ماينفع ماينزل وزن بسرعه

يالله كل وحده تعلمنا وشمخططاتها للعطله عشان نستفيد