البيييييييييييييييييت محيوس لأني أمس كنت مشغوله بالزواج والبيت أنعفس

المهم صحيت من الساعه 7 وناضر البيت ومدري من وين أبدى ,,,,,,,أفطرت وجلست على النت والحين الساعه 9 ومابديت

اللهم لاتكلني ألى نفسي
اللهم أني أعوذ بك من العجز والكسل والبخل

يالله بنات بحاول أخلص أدعولي بنات خايفه من الشغل يرجع ألم ظهري وتعذب منه الله يسترررررررررررررررررر
بروح أخلص وأن شاء الله أرجع وأشوف أحد منكم هنا
بخلي النت مفتوح

السلام عليكم :
نجمه الحمدالله زين انك رحتي وانبسطي وطبيعي وجع الراس من الصجه انا عن نفسي رجولي تتفخ ومقدر امشي لاني البس كعب وانا ماتعودت عليه ابد:( والرقص بالكعب ازمه :(

رتبت اليوم البيت الحمدالله وبخرته بس باقي تشطيب المطبخ وبس
بكره ابي اطلع بصراحه مرره طفشانه :( في ذا الاجازه اعوذ بالله الواحد يمللللللللللللللل مرررررررررررره
اشوفكم على خير

صباااااااااااااح الخير لأحلى بنات,,,,

حبيبتي أم خطاب
فعلا الرقص بالكعب مشكله ....وبالنسبه للأجازه ماتصدقين أنبسط أذا جلست بالبيت >>>من كثر القعده فيه أنقل هم الطلعه خخخخخخخخخخ

والعيال الله يصلحهم أذا بطلع لأحد شروووووووووووووط أذا عندهم عيال بسنهم يبون يطلعون وذاماعندهم بنت بسن بنتي ماتبي تطلع وشوفي تصير مشكله أذا بطلع الله يهديهم

طيب ليش ماتدخلين دورات تستفيدين وتختلطين بالناس ؟؟؟؟

كانت نفسيتي أمس زفت,,مع أني طلعت وجبت أغراض للبيت لاكن مافيه فايده طبعا عيالي من الطفش جابو بالونات الماء وجلسو يلعبون عاد شوفي الحوش كيف خليتهم يغسلونه بس تعرفون ماينظفون طلعت ومسحته ودخلت ورتبت الغرف ومسحت الارضيه ورتبت الصاله وطلبت لهم تميس وفول وخليت بنتي تلم السفره وتحطها بالمجلى ورحت أنام تخيلو من الساعه 11 ونا نايمه وكل هم صاحين نومت الصغيره معي وخليتهم صحيت مع صلاة الفجر والصغيره شبعانه نوم فطرتها والحين جالسه تلعب الله يصلحها

بعد ماجلس على النت برتب الصاله بعدهم وحط ملابس بالغساله وغسل المواعين حقت العشاء وحاول أخلص لأن عندي موعد الساعه 8 بالمستشفى

السلام عليكم000
نجمه الله يعطيك العافيه وننتظر اخبارك تطمنينا عليك000
ام خطاااااب 000ماقلتيلنا عن اجتماعك مع جاراتك 00ان شاء الله انبسطتي؟؟؟

بس تدربن قبل يومين جتني فكره >>>>>طقت كبدي من الملل
المهم اتصلت عاى 3 من جاراتي اللي بنفس الشارع يعني مايحتااااج سياره بينا وقلتلهم تفضلوا عندي ولما جو وانبسطوا قالوا والله وسعتي صدورنا بهالاجتماااااع>>>>>>>وخيتكم لها هدف!!!
هنا خبطت خبطتي خخخخخخ000وقلت خلاص خلونا نجتمع كل 3 ايام عند وحده وبكذا الوحده مايجيها الدور الا كل اسبوعين0
بس هااااه كل وحده تجي ومعها كم فايده وشي جديد نتنافش فيه او نطبقه ونستفيد 000سواء عن زينه او بيت اوتربيه اوزوج او تطوير للذات او اسم كتاب حتى 000وخيتكم عاد حمستهم بكم حاجه ومرره مره تحمسوا ووعدوا بخير
واهم حاجه الحركات الخاصه للمناسبات الخاصه والحفلات000يعني بالعربي نبي نفلها هالصيفيه ذبحنا التاجيل والايام تركض ومالنا عذر مافيه مدارس ولا التزام لييييش مانصنع السعاده في بيوتنا بايدينا ونتحمس 00

المهم اللي عجبتها فكرتي 0فيه عامل مهم لانجاح هذي الخطه00الا وهو انتقاءك للجارات المناسبات الراقيات المنتجات00
ماهو تروحين تسحبين اقرب جاره وبس لالالالالالا لان زي ماتعرفون الجيران فيهم من اللي ماهمه الا يدخل بيوت الناس ويشوف شعندهم0000وفيه الجاره الحسود000وفيه الجاره الطيبه لكن تسحب طاقتك بكثرة التشكي وتسببلك الملل000وفيه الجاره اللي معاهم معاهم 00عليهم عليهم000وكثير اشكال
لكن انت لازم تطبقين الحكمه اللي تقووووول:حلق مع الصقور ودع عنك الدجاااااج
وهذي دائما اكررها على اولادي 0 ولا حاطتها بخلفية جوالاتهم عشان يذكرونها
لاني مقتنعه قناعه تامه بان الانسان اذا اراد القمه لازم يحيط نفسه بالمتفائلين والناجحين0000لان فيه ناس يجرون لتحت فابعد عنهم عشان تنجح
والنجاح اللي اقصده00عالصعيد الاسري00العاطفي00الاجتماعي00الوظيفي000وقبلهم الديني0000الخ الخ

هاااااااااه ياحلواااات مين منكم من الصقووووووور ومتفاءله وتبغى تنهض بنفسها بنواحي عده لان مافيه مانع نطبقه هنا بعد000لان كلها تصب في ميزان بيت السعاده0


بصراحه فكرت انزل موضوع لحاله اسمه حلق مع الصقووور 00لكن قلت خليني ابدأ مع وخياتي اول 0
انتظر ارائكم الله لايحرمني منكم 00استودعكم الله