هلا مارفا

وشلونك اليوم

هلا عباير الحمد لله على السلامة ان شاء الله بخير

ام خطاب اليوم غايبة عسى خير


اليوم ناوية أخلص بعض ملابس العيد ان شاء الله لكن ما أدري أروح أي سوق>>>>>> الله ييسر أمري

وطبعاً الشغل شبه متعطل لين أصلح المكنسة لأن خاطري أنظف البيت كامل إن شاء الله







بناااااااااااات

ذكرونا بمقاضي رمضان الضرورية

أخلص اللي وراي وأمر أشوفكم إن شاء الله

سلااااااااااااااااااااام

اهلين بنات وش اخباركم عبائر حمد لله على السلامه
بس للان مادري وين نجمه والباقيات ماجاكم خبر عنهم لان لى ثلاثه ايام النت عندي عطلان
اما سغل البيت
اليوم رتبت المطبخ استعداد لرمضان ان شاء الله (اللهم بلغنا رمضان)
وانا مع الاخت حلا ابيكم تذكروني بمقاضي رمضان

صباح الخير وش اخباركم :)

الحمدالله عالسلامه ياعباير
حلا وش اخبارك وعلومك يوووووه ذكرتيني يوم تخرب مكنستي مدري كيف صبرت حاااااااااله والله كلش ولا الغبار الله يعينك لازم تصلحينها باقرب وقت
مارفا وش اخباركوعلومك اخلي الشغاله تساعدك دامها عندك ماعليك لا تستحين احسن انه يدخل الشهر الفضيل وانتي بيتك نظييييييييييييييف



انا زوجي مستلم الالب توب ها الفتره استلااااااااااااااااام فضييييييييييييع عشان كذا ما يمديني ادخل اشوفكم
وبعد العزايم كاثره في عايلتنا وانا بديت اطفش منها والله >>>> خلصت ملابسي مدري وش البس خخخ
اليوم يمكن ازور ابوي
وما عندي الا الاشياء اليوميه لان الشغل الجامد باخليه اربعاء وخميس لاني ما اطلع >>>> عكس الناس الويك اند بالبيت خخخخ

هلا ام دودي وين الغيبة اشتقنا لك

ام خطاب عسى امورك زينة

اكره كثرة العزايم تلخبط لك النظام والناس صاير همها المظاهر يعني لازم اصير مية بالمية او ينقدوني




بالنسبة للتنظيف شبه متوقف علشان مكانسي خربانة

عندي مكنسة رينبو خربانة وانا احب انظف بها التنظيف الجامد

وعندي مكنسة كهرب عادية فيشها انفصل عن السلك

والمكنسة العادية انكسر عصاها

الله يعين بس

مارفا وش اخبار امك والشغالة زي ما قالت ام خطاب لاتستحين خليها تنظف البيت مضبوط واذا مستحية عطيها لين خلصت عشرين او ثلاثين ريال حسب شغلها

بالنسبة لمقاضي رمضان أحاول اسوي قائمة باكلات رمضان وعلى اساسها اتذكر وش محتاجة

مثلاً فطائر وبيتزا ولقيمات وجبنية

دقيق ، بيض ، بيكنج بودر ، خميرة ، جبن كيري ، حليب بودرة ، جبن ابيض ، طماط ، ثوم ، جبن موزاريلا ، زيتون ، فطر ......... الخ

ثم احصر وش ناقصني

فهمتوني ؟؟؟؟؟





بحط الغسيل الابيض في الغسالة وامر عليكم

سلاااااااااااااااام