سلااااااااااااام يا بنات

تحملوا لجتي اول اسبوع في المدرسة لازم التعب والصداع وذا يوجعني وذا يعورني هههههههههه

البارح ما نمت زين كل ما رحت غرفتي قامت سوسو الله يصلحها تصيح و بعد الفجر قعدت معها ويوم قمت اقوم خواتها قالت لا تقومون ابي انوم

المهم بعد الطق والطقيق قامت وعيت تلبس تي شرت تقول خلي الداخلية بتروح بفنيلة علاق وفي الاخير انجلدت ولبست وراحت وهي زعلانة ههههههههههههههه >>>>>>>> الله يصلحهن ويخليهن

وكل ما فتحت خشتها تصيح تآزرت معها الصغنونة وعلا صوتها بالصياح مع اختها



طلعت من المدرسة بعد الظهر وجبنا الغداء معنا تغدينا وريحت للساعة اربع العصر


وهذاني حايسة في البيت


خاطري اروح للسوق آخذ ربيعي للصغيرات ....

مارفا

سلامتك اختي ما تشوفين شر أجر وعافية يارب


الحايرة



الله يعين على الحبشة كل يوم لين يتأقلمون


ام دودي


هلا والله


الشيخة


طريقتك للصينية روعة ان شاء الله اطبقها


قوسي >>>>>>>> ما ادري صح الاسم


عساك على القوة

نبغى يومياتك




بنت كيوت

حياك الله بيننا

يالله شدي حيلك وعطينا يومياتك



ندو

هلا والله ويييييييييييييييين الغيبات وش اخبار ذا الصغنونة عساها موب راعية صياح وسهر

اسعد الله جميع اوقاتكم

قوسي وبنت كيوت >>>>عطرتوا الصفحه بمروركم ويشرفنا تنظمون لنا يالله من بكرة تحضرون وتورونا يومياتكم

اهم شي الاذكار قبل النوم التسبيح 33 و..... وقول لاحول ولاقوة الابالله والاستعاذة بالله من الهم والكسل و....الحديث الشريف كما اوصى به نبينا محمد صلى الله عليه وسلم ماينطق عن الهوى >>>>>مجربه وفعاله



ياحبيلك ياحلا انتي وبنياتك انتي وندى المطر حمد لله على السلامه ومبروك ال:27: وانتبهي لها من اختها سكري

عليها بغرفتها وشغلي القران تصيح ولا تذبحها اختها ترى الصغار عليهم حركات ولدي يوم كانو صغار عمره سنتين واخوه شهرين حط مخدتين على وجه اخوه

وجلس فوقه والحمد لله لحقته بالحظات الاخيرة الا وهو اسووووود وارششه بالماء وانفخ بفمه لين رد نسمه بغى يروح فيها لولا لطف ربي

ام يودي وينك الساعه 10 استناك:icon35:

الشيخه كاي تسلم اناملك على هالوصفه ولاتحرمينا من وجودك صلحي جهازك بسررررررعه:angry2: وبالنسبه للكوي جيب لك كرسي ونزلي طاولة الكوي شوي واكوي وانتي جالسه اريحلك

مارفا ونجمه والاثيره وعبائر وام سلوى وكافلة اليتيم ودعاء الخير وليدي والشله وينكم قلنا المدرسه بترجعكم:(:(لاتطولون

يومياتي الى اليوم ماتعدل نومي بس بحاول من بكرة اقوم بدري احب شغل الصبح

اليوم صحيت عيالي لمدرستهم ورجعت نمت لين اذان الظهر دايركت للمطبخ غدا :cook: وغسلت المواعين بس الحمدلله كل شئ نظيف وكنست وغسلت :3_13_11: ورتبت المفارش

صلحت شاي وجلسنا نذاكر انا وعيالي و:024: يبون ينامون العصر علشان يفلونها بالليل وقاومتهم لين صلاة المغرب

عشيتهم وفجاة>>>>>> الا وضيوف يطقون الباب جبت لنا مكسرات وتمر وقهوة وراحو الساعه 9 بسلامتهم ماشاء

الله بزرانها عفسو البيت الله يصلحهم >>>>مو مشكله تسلينا مع بعض >> احس الاهتمام الزايد بالبيت

خلاني اكره احد يجيني ولاعاد اروح لاكن لالالالالاالجنه من دون ناس ماتنداس و كل شئ بيتنظف ويتعدل مايدوم الا حسن الخلق والذكر الطيب بعد ماراحو كنست ونومت بنتي وقاعده استنى زوجي وطليت عليكم وبس

QOSY منورة يالغاليه همتك معنا
بنت كيوت حياك الله
الحائرة اسفه مارديتي لي خبر انك فيه الساعه عشر بكره ان شاء الله
على فكرة مرفأ جات عقبال الباقين
يومياتي
بعد الغداء غسلت المواعين ومسحت الطاولات والفرن والثلاجه
شفت الدلال قلت خلني امسحها مرة وحدة
لقيت قدامي ملمع الزجاج قلت اجربه بخيت عليها ومسحت طلعت تلق لق
قلت اعلمكم بهاا لمعلومه هذي مدري احد جربها انا عني اول مرة اجربها