هلا وغلا بالبنات كيفكم ان شاء الله تكونوا بخير
بالنسبه لى من يوم السبت وانا ادوام مع ولدي في الروضه فامقدرت اسوي اي حاجه تذكر في البيت والله طفشني الله يحفظه مهو راضي يسيبني ماسك في العبايه تخيلو من طرفه مافي مفر ابد واذا تحركت من جنبه تقريص وحركات غباء الله المستعان كله عشان يرجع البيت ولانا كم يوم على هذا الحال كروفر
بس ***** الله معها الين مايسلك والله تخيلوا شكلي وان وسط الاطفال
حاجه نكته الله يصلحه بس الامهات براه الكلاس وانا قاعده بينهم بس والله متعه ترجعي بالذكريات لوراء بس مو لهذا الرجه
المهم فبدية اليوم بما سربته للروضه لوحده وتعالوا شوفوا التهديد والوعيد بعد ماجاء
فتحت مجالس الضيوف ومسحة الجدران والابواب والشبابيك الله يعين على الغبار
وبعدين لفيت السجاده بعد ماكنستها ومسحت السيراميك
ونظفت الحمام وانتو بكرامه ومغسلة الضيوف يعنى تنظيف شامل وقفلت الباب
وكنست باقي البيت ونظفت المطبخ ونظفت كم درج على قد ماقدرت والله سايره عظامي تعورني والقالون ساير يهيج على كثير بس مادري شى طبيعى ولا لا هلكني البيبسي يابنات مين عنده طريقه عشان اتخلص منه واكره والله ادمنت عليه
لدرجت 6 علب في اليوم حاولت اسيبه بس رجعت ثاني مع اني زمان نادر ماكنت اشربه بس ايش قلب الايه مادري تصدقوا اكتب وانا اتمتعبشرب البيبسي من غير الى في الثلاجه وسلامتكم

الحايرة

اتوقع الخلطة زينة لكن وش بيوخر ريحة البصل والثوم


في ديرتنا

مخاطر الببسي لا تعد ولا تحصى يكفي انه يسبب هشاشة عظام وفشل كلوي >>>>>> الله يكفينا الشر

اول هام قولي للي يشتري اغراض البيت ما عاد يدخله البيت حتى لو طلبتيه ما ينفذ الطلب

وشوي شوي لين تتركينه

يكفي اننا نستخدمه هو والسفن على البقع المستعصية على الفرشات والزوالي

السلام عليكم جميعا



ان شاء الله راح أكون معاكم


مشكلتي اني أداوم ثم أجي الساعة وحدة وفوووووووووق

وعندي بنوتة عمرها سنة و3شهوووووووور :04:


تكون شبعانة نووم وأنا ماأشوف الأرض ثم أقوم بتحضير الغداء وألاقيها كاالعادة مفضية الدروج بالأرض وشئ شايلته معاها للصالة


أنتظرها تنام لاني مااقدر أشتغل بالبيت الظهر عشاني منهكة جدا

العصر تنام أخذ غفوة وأقوم المغرب أو اذانامت الظهر أقوم العصر أسوي القهوة وبعد العشاء أبداء بالعشاء



زوجي يمكن يطلع ومايخبرني بالعشاء الامتأخر أو اذا بديت بالعشاء اتصل وقال ابتعشى مع اصدقائي


اهئ اهئ أغسل الصحوووون وأكنس الصالة واللي أقدر عليه <<<<<<< وألاحق بنتي بكل مكان يارامية شئ ياتاكل شئ ياكاسرة شئ


تصير الساعة فوق 12 وأنتظر البنت تنام وأنام فوق الساعة1وتصحى البنت قبل الأذان الفجر <<<<<<<<ماشبعت نوم أصحى معاها

وأروح للدوام وأرجع الظهر دايخة لأني ماشبعت نوم ويتكرر اليوم ولا أقوم بشغل البيت كله



<<<<<<<<<<اسكتي أزعجتيهم هذي حالتي وبيتي كبير شوي علينا يعني قسم الرجال ياحرام منسي من التنظيف كله غبار والخميس والجمعة غسيل وكوي وتريب الدواليب وخلافة



فما الحل كيف أرتب البيت وقت الدوام وأسوي الغداء والعشاء بدون تعب

هلا حلا وفي ديرتنا

بالنسبه للخلطه البصل والثوم ينطبخ مع ماء وينخلط مع سدر وخروع وزيت زيتون وصاحبة الخلطه تقول مالها ريحة قويه

هلا بلالاخت الجديدة هبي روسس

في موضوعنا اخوات ماشاء الله عليهم موظفات وامهات اكثر من طفل راح يساعدونك ان شاء الله

واللي عندي
1_الاذكار والاستعانه بالله في كل شئ

2_ الاغراض الي بنتك تلعب فيها حاولي انك تحطينها بصناديق حلوة وجوة الادراج بكذا ماتقدر كل شوي وهي مسحبتهم انا سويت مع بنتي كذا وارتحت واجد
3_ حاولي انك ماتنامين الا وبيتك يلق من النظافه وصدقيني اذا حبيتي بيتك ماراح ترتاحين الا وهو زي المرايه