السلام عليكم
كيفكم يابنات ان شاء الله بخير
حبيبتي حلا اذا شغالتك حليوة وحنونه عليهم خليهم عندها
وراقبيها اشوفهم هابين بكاميرات المراقبه
وبالنسبه للاكل
1- سوي الايدامات اذا بتتغدون مع الكبسه ايدام سويها باليل
وحطيها بالثلاجه
2-جيبي علبه التانج الزجاج وقطعي فيها بصل وحطي عليها زيت طبخ العادي واحفظيها بالثلاجه وسوي نفس الطرقه ثوم
3-اعصري طماطم وحطيه باكياس لحمه صغيرة كل وحده تكفي مرة بس وحطيها بالفريزر
4- استعملي قدر ظغط يوفر عليك كثير
اذا جيتي من العمل على طول ابدي بالطبخ وكل شئ جاهز عندك بس تاخذين وتحطين في قدر الظغط وفي 45 دقيقه الاكل جاهز
وبالعافيه

صباح الخير..

حلا.. مثل ما قالت ام يودي.. اذا هي حليوه ولها مده عندك جربي خليهم واستودعيهم الله.. واذا ربي كاتب ان بيسير فيهم شي اسم الله عليهم بيسير لو كانو بين يدينك.. وانتِ استخيري اذا مررره محتارة..

والطبخ.. مو الخدامه تجهز كل شي وانت تكبينهم في القدر!! ما اشوف فيها تعب..

أنا لما كنت ادرس كانت عندي خدامه اخلي بنتي عندها واذا جيت قلتلها وش تجهز لي.. وانسدح في الصاله لين تخلص وتجي تقولي: خلاص مدام.. وما كنت اشوفه متعب.. لأن اصعب شي هو التحضير..

لكن ممكن تطبخين الدجاج او اللحم لين يستوي بعدين تحطينه بالثلاجه ومن بكره بس تكبين الرز..والسلطه قطعيها من الليل ولاتحطين عليها ليمون او ملح او حتى طماط.. وحطيها في علبه محكمة الاغلاق وبالثلاجة..

والله يعينك ان شاء الله..

هلا فيكم..

تصدقون اني معاد اجمع!!!

فيه بعض الاعمال اللي تنذكر اسويها وانسى اكتبها.. لأني انسى اني مسويتها!!!

وانا احب اكتب كل اللي سويته عشان اللي يقراء يتحمس مثلي.. لأني اذا قريت( مالي خلق اليوم ما سويت شي) تنعكس علي بشكل سلبي وتنسد نفسي عن الشغل..
______________
المهم ..

امس رتبت غرفتي ورجع زوجي من الدوام وانا اشتغل فيها.. بعدين سويت لنا قهوة وشاي..

يعني ما نظفت غرفة بناتي..:p

واليوم فطرت بنتي وخيطت زرارها المقطوع <<<ادق التفاصيل:hahaha:
وراحت للمدرسه الله يحفظها.. بعدين رتبت الصالة ترتيب عالماشي..ثم قعدت معكم اشوف اخباركم..

و الساعة تسع بروح للمستشفى..

على فكرة يا بنات اللي ساكنه في الشرقية من يعرف دكتورة شاااطرة.. بس لا تقول لي د.عزه في اسطون. لأني اراجع معها وكرهت زحمتها.. فودي اغير المستشفى لمستشفى يسوي مواعيد.. تخيلو كل ما اروح لازم اقعد ثلاث ساعات انتظر!!!:time:

يالله بروح اسوي لزوجي قهوة بعدين بنكسر السفرة:)

والله باب الحارة عامله عمايلها معك يا ندووووو(ههههههه
انا اليوم بعد ماراحوا لمدارسهم نظفت البيت ماعدا قسم الرجال اخوي عندنا ونايم فيه
بخليه لين يقوم
نظفت المطبخ ومواعين الفطور
انسدحت مادريت الا :arb: يصحيني الساعه عشر ونص سويتله قهوة وشاهي
الحين هو يتقعوا وانا ابي اكتبلكم واروح له
لي عودة ان شاء الله مع السلامه
( وين نجمه) شعار البحث عن نجمه ارجوا من الاخوات وضعه اخر رسايلهم بشكل دائم:44:

السلام عليكم ورحمة الله وبركاته
يا صبـــاح الورد

طيب يابنات ولا أحد سأل وين الشيخة كاي ولا شي... طيب تخيلو صار فيني شي. مثلاً يعني (بسم الله عليا)<<< مصدقه نفسها

المهم يابنات وحشتوني فترة مادخلت تقريباً 4 أيام عشان زحمة في الشغل ماقدر ادخل النت..

حلا شقراوي،، أم ديرتنا ،، أم يودي،،، أم خطاب،، ندى المطر <<< وحشتوني يابنات

الله يعينك يا حلا على الشغل ... بس شدي حيلك.. عارفه ايش بيبغالك أكل صحي وفواكه كثير..عشان تكوني نشيطة طول الوقت وماراح تحسي بالتعب حتى بعد الدوام..

أنا ياستي زوجي في البيت امس واليوم...ماراح الدوام مسكين كان يلعب كورة مع زمايله في العمل والتوت رجله وصار عنده التهاب حاد في الأربطة.. .. وكل مره يجي لي من المبارة يتألم.. اقوله سيب هالكورة الي تعمل فيك كدا.. بس مايقدر زوجي انسان رياضي درجة أولى
الله المستعان بس ويشفيه..

أمس نمت بدري الساعة 11 وصحيت من لحالي صلاة الفجر صليت وخلاص ماجالي نوم أدور في البيت مثل الجنية قمت رتبته ونظفت المطبخ زين وغسلت التواليت واستحميت وجيت على الدوام..مبسوطة الحمدلله ماعندي شي لما أرجع الساعة 5 غير الغدا.. وغدانا لنا شهر نعمل أكل رجيم أنا وريلي... راح أعمل تونا بدون ملح ولا زيت من العلبة دايركت مع جرجير وزيتون وفاصوليا حمراء وشوي خل وخردل... وبالعافية علينا أنا وريلي :) <<< تصدقو ما أحلاه لما يكون الطبخ صحي.. نظيف مايحتاج طبخ كثير وصرت حاسة بحماس وحيوية أكثر للشغل والكرشة راحت..ومافي تعب في الطبخ هههههه ... كله نص ساعة انتهينا...

المهم وبس واستحمى بعدين بإذن الله عشان اليوم ربوع تجمع العائلة فوق.. وسلامتك
تحياتي