الموضوع حلووووو مرره لأني محتاره في الجهاز كيف بأبدأ لأني باقي ماجهزت بس حبيت أسأل من فين آخذ التيورات وأيش الموضه فيها؟
طبعا بجهز من الرياض الله يخليكم دلوني على محلات ألقى فيها تيورات فخمه والجزم وش أفضل ماركه
والعبايه أبغى أعرف كم وحده تكفي؟
وووووأيشششششش أيوه الفساتين الناعمه وش احسن ماركه؟
وأخيرا وش أحسن محلات الملابس الداخليه والبيجامات والسبورات ولكم دعواتي

دادا ابادا والله اسمك صعب خخخخخخ الزبده يا عيوني العبايات خذيلك ثنتين انا خذتها من توايلا خذت وحده ساده والثاني با المكسرات <<<يا خف دمك ايه وحده ساده والثانيه فيها كرستال وقماشها كريب صالونه ياباني درجه اوله حلو ها القماش ويعجبني امممممم با النسبه للجزم عندك محل مرره حلو ومنتشر في كذا سوق ما تاكدت من اسمه بس الظاهر انه كاثي اند شار او شي زي كذا تحصلينه في صحارى بلازا عند البوابه واذا رحتي للصحارى بتعرفين اسم المحل وبا النسبه للملابس شوفي حياة مول فيه محل اسمه نيو لوك والله انه حلو بس يبيله طولت بال وشغل تنسيق والله نفسه ينباع في الماركات الثانيه وباقل سعر عندهم الانجري مررره حلو وكيوت امممممم احزمتهم جنان انا احذت حزام اسود ررروعه واكسسواراتهم حلوه بس لا تكثرين وش بعد شوفي لف اند روز هذا حلو ملابس داخليه عندك كمان دبنهامز رروعه وماركس وسبنسرز واذا تبين الرخيص سيتي ماكس وسناء حلوين بعد والسبورات شوفي برشكا وزارا قسم السبورت حلو كمان وسبلاش حلو في الملابس الداخليه خيتو وش قصدك با الماركات العالميه يعني مثلا بربري وغيرها؟؟؟ اتمنى اكون افدتك

ام كشه انا مثلك مدمنه تسوق وكل الي شريته ما عجبني على ان اخواتي يقولون حلو بس مدري احس اني كل ما دخلت السوق لازم اشتري ونفس حالتك لي حول السنه اجهز خخخخخخخ

خخخخخخ والله حاله طيب سوال اللحين هم ليش مايجهزون مثلتا ؟؟؟؟

مشكووووووووره أختي عبير الشوق الله يوفقك بس ماقلتي لي التيورات وين القاها بصراحه أنا ماني من الرياض بس ناويه أجهز من الرياض لأني أشوف أسواقها أحسن من جده أسواقها تخلص الموديلات بسرعه وكمان ابغى أسعار معقوله وبالنسبه للمولات ماقد رحت الا لصحارى والعليا مول هي اللي سبق رحتها مااعرف باقي الاسواق وأيش تشوفي اروح الحين والا في شهر خمسه لاني مشغوله بالدوام وششششششششششششكرا