الله يسلمك اختي
ومادام انك بكرية تطمني ترى يهتمون بالبكريات مرة اللي جنبي في الغرفة بكرية وغرت من اهتمامهم فيها هههه :hahaha:
بالنسبة لامك فممنوع يدخل معك احد قسم الولادة , انا لما رحت الاسعاف استغربت ان حتى زوجي ممنوع يدخل مكتوب ان للنساء فقط فااتوقع لو راحت معك امك ممكن تدخل الاسعاف معك بس لما ينقلونك فوق قسم الولادة ممنوع
والاغراض اللي تاخذيها معك : للبيبي لبستين كاملات داخلي وخارجي وقبعه ولفة " قماط " وبطانية , وبيعطونك في المستشفى حفاظات بس انا ماعجبتني واخذت معي بامبرز - منشفة
لك : كيلوتات استخدام مرة وحده - فوط صحية مابعد الولادة اسمها ريلاكس انصحك فيها احسن من اللي يعطونك اياها المستشفى اسمها نانا وصغيرة تسرب - ولبستين داخلية وخارجية - مشط - فرشاة اسنان ومعجون - صابون - شامبو - منشفة - شبشب - وممكن تاخذي معاك اكلات خفيفة علشان لو مااعجبك اكل المستشفى ماتجلسي بالجوع او علب عصير صغيرة بعد تنفعك لان بتحتاجي تشربي سوائل كثير
نظام المستشفى تجلسي يوم واحد بس يعني انا ولدت يوم الجمعة الظهر المفروض اطلع السبت العصر الساعه 4 وقت الزيارة لأن وقت الخروج في مواعيد الزيارة
بس انا خلوني يومين يعني ماطلعت الا الأحد المغرب لأن كانوا شاكين ان في ولدي حاجة فخلوني معاه علشان اشعه وتحاليل بس الحمدلله طلع سليم وماعليه شر
فاانتي ماتدرين وش بتكون الظروف خذي معاك لبستين علشان لو لاسمح الله اضطريتي تجلسي بالمستشفى اكثر من يوم
وشنطتك خليها جاهزه من نهاية الشهر الثامن واذا رحتي الاسعاف خذيها معك وبتاخذها منك الممرضة مع الملابس اللي عليك وعبايتك وبتحطهم لك في الامانات واذا نقلوك غرفتك بعد الولادة بيعطونك اياها
ولا تنسي تخلي جوالك معك علشان تبشري زوجك واهلك بعد ماتولدي
اخر شي ان شاء الله بعد ولادتك الصبح بتجي لك دكتورة تشيك على الخياطة فإذا كان عندك سؤال او استفسار جهزيه قبل لا تجي لك لأن من الزحمة تجي لك تشيك الجرح وتمشي على طول فأنتي اسأليها من تدخل عليك اذا عندك سؤال
اسأليها مثلا كيف تعتنين بالخيوط هل تتنقعين او تحطين عليه كريم او شي لأنها ماراح تقول لك من نفسها
ونفس الشيء اذا جات لك دكتورة الاطفال اذا عندك اي سؤال اسأليها لأنها ماراح تقول لك شي من نفسها
ونسيت نقطة اذا كان المولود ولد ونويتوا ختانه بنفس المستشفى على طول بنفس اليوم اللي تطلعي منه من المستشفى روحوا قسم العيادات الخارجية ومعاكم تبليغ الولادة وخذوا موعد علشان التطهير لأن الطبيب الجراح اللي هناك زحمة عليه مرة , احنا رحنا بعد اسبوع من ولادتي وكانوا يبون يعطونا موعد بعد شهرين بس حاول معاهم زوجي ومع الكلام والهدرة عطونا موعد الاسبوع الجاي
والختان عندهم بالحلقة مش جراحة
واسمحي لي طولت هدرة بس ان شاء الله تفيدك تجربتي واذا عندك اي سؤال لا تترددي بطرحه :27:
الله يسلمك اختي
ومادام انك بكرية تطمني ترى يهتمون بالبكريات مرة اللي جنبي في الغرفة بكرية وغرت من...
وين ناويه تولدين ان شاء الله بالجبيل والا الدمام