معجبة بولد خالتي وابغا اكلمه مرررههه بس انه محرم دينا

يا جماعة انا سويت حساب بهذا الموقع اليوم خصيصا عشان هذي المشكلة ابغا احد يلقى لي حل ولا يعطيني نصايح تساعدني لان الولد ماكل مخي وقلبي متعلق فيه موت

انا ولد خالتي نفس عمري ١٥ لما كنا صغار من قبل الروضة حتى كنت احب العب وسولف معاه كثير مع انه كان عندي خوات بس كانوا اصغر مني والاشياء الي كانوا يلعبونها ما كانت جوي ولا اجد فيها متعة ، انا عايشة بالكويت لكن كل سنة ابوي كان يودينا للسعودية بحكم انهخوالي يعيشون هناك و يخلينا نبات في بيت جدتي ثلاث اشهر و بذا الوقت العب مع ولد خالتي واقضي اغلب وقتي معاه طبعا كل ذا لما كنت بزر يعني قبل ما ابلغ صفوا النية يا اخوان ، استمر الوضع زي كذا لين صار عمري ١١ وبذا العمر انا بلغت ومرت سنتين و ما سافرنا السعودية لين صار عمري ١٣ وسافرنا مرة ثانية ، بحكم اني بلغت صار ما يجوز اني العب مع ولد خالتي ولا اكلمه وكنت عارفة ذا الشي مرت سفرة كاملة بدون ما اكلمه حتى لان كان ذابحني الحيى بس اعطيه نظرة سريعة واوخر عيوني وهو يسوي نفس الشي يناظر بسرعة و يوخر عيونه مدري حيى ولا صار ما يهتم فيني بس احس مو معقول لان مستحيل ينسى صديفة طفولته بذي السرعة ، السنة الي بعدها لما صار عمري ١٤ نفس الوضع تعدي السفرة كاملة ولا اقدر اقوله ولا كلمة من كثر الحيى مع انه كل ما يمر قدامي قلبي ينصرع واحسه ينعصر بقوة و ودي بس اناظره او اتأمله واقعد معاه ، تجي السنة الي بعدها الي هي هذي السنة يصير عمري ١٥ وقبل ثلاث ايام وصلنا السعودية و وصلنا بيت جدتي ، جدتي بيتها ثلاث طوابق انا وخواتي وامي ننام بالطابق الثاني و ولد خالتي ينام بالطابق الثالث مع خوالي ، وكل ما ينزل لازم يعدي من الطابق حقنا واحيانا اكون قاعدة بالصالة الي قدام الدرج ولما ولد خالتي يعدي من قدامي يناظرني وانا مراتها اناظره ومرات اسوي نفسي مو شايفته بس لما اناظره ويناظرني ثواني قليلة احس الابتسامة بتشق وجهي بس امسكها بالقوة واحس بحرارة بأذوني وقلبي يدق بسرعة واسمع صوته وهو يدق بأذني مدري ذي مراهقة وتعدي ولا وش حتى بعد ما بلغ صاير ضخم واطول مني مع انه كنا نفس الطول بس وربي يخقق اههخخ حتى صوته صاير ثقيل ويهههبببلللل يبنااتتت يهببلللل ما تتخيلون شعوري كيف ، ودي بس اتقرب منه بس عشان اسولف والعب معاه لا اكثر وربي منظره صاير يسعبل و اعذروني على الاطالة بس وربي ما قد كلمت احد بذا الموضوع وابغا اطلعه من خاطري حتى امي ما اقدر اكلمها بذا الشي اعرفها بتفضحني عند خالاتي وبس اتمنى ما زهقتكم من البربرة حقتي ، حفظكم ورعاكم الله .