انا حبيت اذكر قصة وضيفتي اللي ماتخطر لا ع البال ولا ع الخاطر
انا طالبة مجتهدة جدا وطموحة وحبي لايوصف لشئ اسمة تاريخ لذلك قررت ادخل هالتخصص بالرغم من ان ابوي حذرني منه ورفض وكان يبيني اتخصص انجلش بس انا رفضت
هو كان يقول هالتخصص مكتفين منه ولو درستي انجلش احتمال تلقين اي وظيفة بس انا حبي للتاريخ فاق كل الحدود ودخلته والحمدلله .
صرت كل سنه اخذ الاولى على دفعتي ويعطونا مكافآت تفوق بآخر العام الدراسي
التخصص والله مو سهل ويبيلة وحدة حفيظة وخاصا مع كثرة المواد في كلية التربية
المهم وصلت لسنه رابعة وتخرجت بتقدير ممتاز مع مرتبة الشرف وماكان ببالي الا الدراسة وبس وكل وحدة تسألني اقول انا بتوظف وبكمل ماستر والكل مذهول مني لأنهم كارهين الدراسة ماعادا انا
تخرجت ودورت وظيفة لكن ابدا ًً محد يبيني
دورت على وظيفة مدرسة بمدارس الحكومة بس الشروط صعبة
بمدينتي ماتنزل وظائف ابدا كل اللي فيها يجون منقولات من مناطق نائية لان جدة مرغوبة
منطقة ولادتي هي مكة المكرمة وهذي برضة ماتنزل فيها وظائف
وكل ما اروح منطقة غيرهم يرفضون ياخذون شهادتي بحجة انه لازم اكون من اهل المنطقة ورحت حتى للليث بس رجعت خائبة وهنا بدأ اللي حولي يعايروني لاني درست تاريخ
انا نفسيتي صارت زفت بس مايأست ماتركت ولا مكان ماطرقته وبعد ماكان حلمي استاذة جامعية رضيت اني اكون مدرسة بمدرسة اهلية بس المدارس الاهلية ماتبيني << رضينا بالهم والهم مش راضي فينا :hahaha:
وكل ما اتصل بمدرسة يقولون نبي خبرة
طيب من وين اجيب خبرة ومحد راضي يوظفني ومرت سنه ونص على التخرج وانا جالسة بالبيت
اطللع حولي صحباتي اللي كانو معي زمان وكانو مهملات وينجحون بمواد حمل انخطبو وتزوجو
واللي خلفت خلال هالسنه وانا مكانك سر
حطيت كل عشمي بالدراسة والطموح وللاسف كلة على مفيش
عمري مافكرت بزواج لاني طموحة بزيادة وماكنت ابي نهايتي مثل نهاية اي وحدة تتزوج وتخلف وتقعد بالبي بس الفضاوة خلتني اقارن نفسي فيهم وخاصا اني حسيت بالفشل وكل تعبي راح على الفاضي وقلت هذولي هم الناس الفاهمين تزوجت وخلصت عمرها
وبصراحة بواقع نفسي ماكنت مقتنعة بهالشئ اللي اقولة بس من زود الغلقة اللي انا فيها لاني بداخلي كنت ابي مستقبل مشرق وماكان هدفي اتزوج واجلس اطبخ وانفخ بالبيت
انا كنت احلم اكون شخصية مهمة بالمجتمع وبعدها افكر بزواج وابناء .
كنت ابي اولادي لما يجو على الدنيا يفتخرو بامهم وخاصا اني ماحسيت هالشئ مع اهلي امي الله يحفضها غير متعلمة وابوي موظف بريد بشهادة ابتدائي وكنت اطالع صحباتي اللي اهلهم مراكزهم مرموقة وبداخلي اقول لازم ابنائي يفتخرون فيني قدام الناس والا مالة داعي اجيبهم .المهم كنت بكل لحظة ادعي
صحيح كنت اشعر باليأس احيانا بس انا بطبعي انسانه متفائلة جدا ما اعرف اليأس فأقوم بسرعة وادعي .
طفشت من قعدة البيت وغير كذا كان معي مكافئة الحين مامعي فلوس وصعب اطلب من اللي حولي
كنت ادعي بصلاتي وانا ساجدة وادعي باسمين هم الحي القيوم لأنه اسرع في استجابة الدعاء << كذا سمعت :27:
ومع هالشئ فدعائي بالصلاة مو مستمر بس عند النوم وقبل ما اغمض عيوني اكثر الدعاء بيني وبين نفسي لين ماتوصلت لمدرسة خاصة رضت تاخذني براتب 2000 ريال
قلت خير وبركة وفرحت كثير خاصا بعد ماكنت عاطلة لمدة سنه ونص وداومت ولقيت الشغل على راسي واختبارات ورا بعض وطالبات مستواهم زفت ولازم ينجحون لانهم دافعين فلوس ويمكن كثر الضغط علي لانه المدرسة اللي قبلي اهملت كثير وبعدين تركتهم فطاح كل شغلها على راسي .
استمريت معهم شهرين كانت كانها دهر كامل لين مابيوم من الايام وانا راجعة للبيت مع ابوي رن جوالة الا وهو الخبر السار بعدة متت من الفرحة .
انا قدمت على وظائف التعاقد بس ماتوقعت يقبلوني بسرعة والحمدلله كلموني لانه نسبتي عالية .
رحت وداومت والراتب صار افضل بكثييير والمعاملة بعد افضل وكذلك الطالبات واشتغلت معهم لمدة 6 شهور بدل معلمة اخذة اجازة امومة ثم انتهى عقدي بصراحة انا ماكنت حابة استمر بالمدرسة لعدة اسباب :
اولها اني تهاوشت مع مدرسة هناك نفس تخصصي وكانت متسلطة وتبي ترمي الشغل كلة علي شافتني مجتهدة قالت تستغلني لكن رفضت استغلالها ووقفت بوجهها وماسكتت عن حقي
والسبب الاخر هو اني ابي شئ ثابت مو وظيفة متعاقدة ابي شئ يضمن مستقبلي مو باي لحظة يقولون لي باي باي وهالشئ ماتوفر بالتعاقد .
والسبب الاخير هو انه الدراسة كانت تبدأ برمضان وانا ماكنت حابة اداوم فية الطالبات يهدون الحيل كيف وانا صايمة ؟؟
المهم رجعت للبيت ورجع حلمي يراودني وهو اني اصير شئ مهم بالمجتمع
كنت انام واحلم بهالشئ وحاسة انه بيجي يوم ويتحقق فعلا
عندي احساس مثل اليقين انه بيصير شئ بحياتي يقلبها فوق على عقب كيف ومتى وليش ؟؟؟ ما ادري
صرت ما انام بغرفتي .
انام بالصالة على الكنب بعد مايتحلل التعب علي لاني ما انام الا لما اكون هلكانه اتعب من كثر التفكير
وهذيك الليلة وجهت راسي للسقف ودعيت
هذيك اللحظة لايمكن انساها ابدا
لحظة غريبة جدا لدرجة احاول استحضرها الان وادعي مو قادرة
لحظة كنت حاسة فيها انه بكرة بيصير شئ
لحظة انقطع املي من كل شئ الا شئ واحد وهو الله
ودعيت ورحت بنوم عميق مع الدعاء وماصحيت الا الظهر على صوت تلفون بيتنا يرن
ردت ختي وشوي وهي تقول تلفون لك تعالي
رحت ارد وانا مستغربة مين يكلمني بعد التخرج
اصلا محد يتصل فيني ابدا وكل صحباتي راحو بحياتهم
الو مين :
تخيلو مين طلعت ؟؟؟؟؟
طلعت الدكتورة دلال رئيسة قسمنا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سألتني لو توظفت او لا
اجبتها اني توظفت تعاقد بس حاليا ماعندي شئ
قالت تعالي انتي مرشحة للاعادة
انا ذهلت وماعطيت الموضوع اهتمام من كثر ماصفقت فيني الدنيا
قالت لي لاتخبرين احد من زميلاتك
احنا كلمنا بس اللي جابت امتياز مع مرتبة الشرف ونبي نعينهم
قلت تامرين امر ورجعت صليت الظهر ونمت للعصر
بصراحة ماحبيت افرح
خفت فرحتي تطير وتصير سراب مثل كل مرة فقررت ما افرح لين فعلا اتوظف
خبرت امي وفرحت لي
قلت لها ما ابي احد يدري احتمال تجي وحدة بواسطة وتاخذ الوظيفة
وخبرت العصر ابوي وهو اللي يسال الجامعة ؟؟
قلت لا كليتي هذي اللي بالفيصلية
طبعا علامات استفهام على وجهه ؟؟
معقولة بعد هالفلفة كلها والتعب تتوظفين بجدة وبوظيفة الكل يحلم فيها
رحت وسويت مقابلة ودكتوراتي كلهم يعرفوني طيوبات جدا
وقالو انتضرو النتيجة
المقابلة كانت برمضان وانا وصيت اهلي مايخبرو اخوي المتزوج
لانه ممكن يخبر حرمتة وينتشر الخبر بس ماقدرو وقالو له هههههه
وصيتهم لاينشرون الخبر وضلينا ننضر النتائج
كل يوم التلفون عند راسي يمكن يرن وارد
شهر واثنين وماطلعت الا بشهر ذو القعدة وبالتحديد 2 / 11 /1428 هـ هاليوم محفور بذاكرتي
كان التلفون عند جدتي الله يحفضها جايتنا من الديرة وتتصل على بنتها رن وردت هي واستلمته منها انا مثل المجنونة وبشروني فية بخبر قبولي وانه اجي اكمل اوراق التعيين
كان يوم اسطوري من اسعد لحظات حياتي صرت اصرخ واضحك بهستيريا وكبيت العفش وجدتي عرفت وخبرت خالاتي والكل مذهول وش ذا اول وحدة بهالعيلة الترللي توصل لمنصب ههههههههههههه
المهم تعرقلت اوراق التعيين واخترعنا وقلت كلة من عيون الناس :mad:
بس الحمدلله عدت على خير هههههه
والحمدلله حاليا لي سنتين معيدة بكلية التربية والان ادرس ماجستير بجامعة الملك عبدالعزيز
وبنفس تخصصي قررت الاتي الماجستير تاريخ والدكتوراة علوم سياسية
بالمستقبل حلمي اكون وزيرة وراح اظل ادعي ربي لين مايتحقق حلمي
ترا بقولكم شئ كليتنا اول مرة بتاريخها تعين معيدات
كل اللي يجونها منقولا من جامعات اخرى وهذا كلام الدكتورات
وحدة منهم قالت لنا اهلكم داعين لكم لانه فترتكم مرة مناسبة
فية ناس يستحقون هالوظيفة اكثر منكم وتتفق فيهم الشروط ماعدا شرط واحد وهو العمر لازم مايكونو عدو 30 سنه
وانتو توفر فيكم هالشرط دونا ًً عنهم فأحمدو ربكم
يارب لك الحمد والشكر
يابنات لاتستهينون بالدعاء خلو عندكم امل بالله
وانا حاليا ادعي بكل لحظة انه ربي يجمعني بابن الحلال اللي اختارة قلبي بس ابوي الله يهدية ويوافق :44:
بنات ادعولي ربي يجمعني فية بالحلال ويرزقنا الذرية الصالحة عاجلا غير اجل
مافية شئ بعيد عن رب العالمين
ترجمة ستايل @trgm_stayl
محررة
يلزم عليك تسجيل الدخول أولًا لكتابة تعليق.
sayasan
•
ماشاءالله تبارك الله .. وفقك الله وانار طريقك للهدى والصلاح والله عيوني دمعت وفرحت من كل قلبي على النهاية السعيدة والله يجعل ايامك كلها افراح ويجمعك مع من تحبي ..
ماشاءالله ولاحول ولاقوة الا بالله الله يهنييييييييييييييك ويسسعدك يارب وتستاهلين كل خييير يارب مشالله طموحه اذا كان الشخص عنده طموح وعزم ومع هذا التوكل ع الله الحمدالله بس يبيلها صبر والحمدالله يارب الله يهنيييك والله ان شاء الله يرزقك بابن الحلال الي يستااهلك ويخاف الله فيك
وربي بكيييييييييت لين قلت بس من قصتس سبحانه ربي ماينسى احد الله يوفقك يارب وعقبااااااااااااااااااااالي يااااااارب
الصفحة الأخيرة