معجزتي الحمد لله

السلام عليكم حبيباتي:
اليوم بدي أحكي قصة طويلة شوي حصلت معي بنص سنة ال2012 ( كنت بالجامعة طالبة تمريض نساء و ولادة) فيكو تحكو رحمة ربانية كبيرة ......
صار معي حادث طرق ( جيب صدمني بقوة كبيرة لدرجة طرت مسافة أمتار) و طلع معي كسر صعب في العظمة الرئيسية الممتدة من الساعد للكوع( هاي العظمة اللي بتكونمقابلة للأصبع الصغير ةممتدة للكوع) كانت العظمة منفصلة لنصفين بشكل تام و كل نصف في جهة....ركبولي فالمشفى جبس أبيض عادي بعد ما صورو ايدي و عرفو مكان الكسر بالضبط كان هالحكي يوم تلاتا... و حكولي انو عندي عملية بلاتين بعد 3 أيام تحديدا يوم السبت المسا و استمرت العملية ساعتين تخت تخدير كامل.......و ركبولي فيها بلاتين ليعدل نصفين العظمة لحتى يلتحمو و ركبولي جبس أمريكي لونو أخضر .......و كنت باخد فيتامينات و كالسيوم و باكل أكل صحي كلو ملان كالسيوم .......و ضلت ايدي مجبصنة لمدة 3 أشهر بدون أي تحسن ولا نمو و لا جبر فالكسر لو واحد بالمية حسب صور الأشعة وكنت كل ما أسمع هالحكي أزعل .....و بعد هال3 شهور اجى وقت انو يشيلو الجبس و البلاتين .... و طبعا التمريض رفعولي الجبس أول اشي و بعد دقايق الدكتور سحب البلاتين من كوعي ( كان في فتحة بكوعي طالع منها طرف صغير من البلاتين ) سحبو و أنا واقفة .....وبعد لما سحبو طلب صورة أشعة رحنا صورنا لقينا العظمة رجعت متل ما كانت نصين و كل نص بجهة برغم الجبس و الأدوية و الأكل الصحي........ما تتخيلو شعوري بوقتها .... و الدكتور طلب انو يتركبلي جبس أمريكي لتاني مرة ...و ركبتو و ضليت شهر براجع و كل مرة نفس الحكي انو ما في تحسن و انو متل وقت اللي صار الحادث ما في أي جديد ...... و بعد هالشهر الدكتور خبرنا انو لازم عملية تاني ( و هالعملية انو ياخدو من عظم الحوض و يحطو على عظم ايدي و يركبو دبابيس جوا ايدي و كمان نسبة انو الكسر يجبر بعد هالعملية ضعيفة يعني يمكن يضل متل ما هو )........انا بس سمعت هالحكي انصدمت و ما فيكو تتخيلو خيبة الأمل وبس وصلت البيت صرت أبكي و أبكي .... بعد هيك أهلي حاولو يقنعوني بالعملية لانو بنظرهن انو هي الأمل الوحيد ولو كان ضعيف ....بس أنا كان عندي أمل تاني و خبرت أهلي انو خلص ما بدي أرجع للدكتور مستحيل أرجع أو أعمل هالعملية ( بس كنت لسه ما شلت الجبس حتى رفضت أرجع للدكتور ليشيلو .......و بلشت بأملي .... جبت ورقة ( نص صفحة دفتر مدرسي عادي) و كتبت على جهة منها سورة الفاتحة و اية الكرسي و بالجهةالتانية سور الاخلاص و الفلق و الناس و حطيت هالورقة على مطرح ( مكان) الكسر بالضبط بين الجبس و الشريطة اللي ماسكة ايدي ومعلقة برقبتي ( وكنت بشيل هالورقة لما أدخل الحمام ربنا يكرمكم) .....و صرت أقيم الليل كل يوم و أصلي كل الصلوات كلهن السنة و الفرض و الضحى و كمان بصلي ركعتين صلاة الحاجة أكتر من مرة باليوم.... و بعد كل صلاة من الصلوات اللي بصليها بضل فترة طويلة بدعي ربنا و طبعا ببلش الدعاء بسم الله و الثناء عليه و بسأله بأسمائه الحسنى وبالصلاة على النبي بعدين بدعي بإلحاح و كل اشي بدي ادعيه بعيدو 3 مرات و بنهي الداء بالصلاة عالنبي و الثناء على ربنا...... و بسبح و بستغفر و بحمد ربنا و بكبر وهيك و بقرأ قرإن على قد ما بقدر.........و رحت على مستشفى حكومي بعد أسبوعين من هالحكي و صورت ايدي أشعة لقيت في تحسن في ايدي و ضليت بعد هيك شهر و نص بروح عالمستشفى بس مشان أصور أشعة و الحمد لله إلتحمت و شفيت بقدرة ربنا و بدون أي تدخل طبي و شلت الجبس و أخدت 8 جلسات علاج طبيعي .و صارت ما شاء الله أقوى من قبل بكتييييير .... و كملت دراسة التمريض الحمد لله ..... عنجد رحمة ربنا سبحانو كبيرة كتير بس المهم اليقين بالدعاء.و قلبي امتلا فرح و شكر لله...بنصحكن خلو الاتكال على الله و اليقين بإنو لازم يستجيب و الإلحاح بالدعاء لانو مستحيل يخيب يقينك.....حاشاه سبحانو....