http://forum.hawaaworld.com/showthread.php?t=2720625
وبعضكم طلب طريقتي وتوني فضيت وقلت أنزلها تفضلوا..
المقادير:
4كوب دقيق
4/1 كوب زيت
2 م كبيرة خميرة فورية
5م كبيرةحليب بودرة
3 ملاعق سكر خشن
ملعقة كبيرة ملح
3 ملاعق كبيرة سمن المراعي أو أي سمن ثاني
حبة سوداء أو شمر حسب الذوق
الطريقة :
نخلط الدقيق والملح والخميرة والسكر والحليب إذا العجينة للبيتزا
ما أحط لا حبة سوداء ولا شمر إما لوكانت للفطاير أحط المهم بعد ما نخلط
النواشف نحط الزيت ونعجنها بالموية مزبوط وبيكون شكل العجينة مو سايلة ولا ناشفة
يعني نقدر نشكلها بعد العجن نجيب سمن المراعي ونحطه على العجينة ونرجع نعجنها مرة ثانية وبعدين نتركها ترتاح لمدة ساعة وبعد الساعة نستخدمها...
نجي لطريقة الفطاير نفرد العجينة على يدينا ونحشيها بالحشوة اللي نحبها
مثلا أنا حشيتها هنا بجبنة كيري ومعاها جبنة قريش ((الجبنة المالحة اللي بيأكلوها أهل مكة كثير مع الحلاوة الطحينية ))
ونخلطها مع بعض ونحط معاها كم ورقة بقدونس لأن طعم البقدونس وهو كثير مو حلو وشوية كزبرة خضرا وحشي الفطاير ونحطها في صينية تشبة صينية الكاب كيك وندهنها بالبيض أو لا وممكن تدهنوها بوصفتي الخاصة اللي هي ( نجيب نصف فص ثوم مهروسة وثلاث ملاعق كبيرة زيت زيتون وصفار بيضة ونخلطها ونحطها على الوجه ))
وندخلها الفرن بيطلع شكلها كذا
أما حشوة البيتزا فاللي يعجبك أنا عن نفسي أحب أحشيها بالدجاج وبعدين صلصة طماطم وعليها جبنة ..
وهذه شكلها ..
الفطاير اللي ملفوفة نحشيها باللتونة أو الجبنة أو بالبطاطس والدجاج والجبن.. طبعا طريقة عملها نجيب السفرة البلاستك مو النايلون ونحط عليها شوية دقيق ونفردها بشكل مستطيل ونحشيها ونلفها ونسكرها من الأطراف ونجيب الصينية ونحطها على شكل دايرة ونقفلها وبعدها نجيب صفار بيضة وملعقة صغيرةنسكافه وشوية حليب سائل ونخلطها وندهن فيها الوجة تعطينا لون بني حلو..
وهذه صورتها..
اتمنى قدرت أوضح شرحي