معجناتي غير وبعجينتي الخاصة

السلام عليكم ورحمة الله وبركاته



أسعد الله مساكم بكل خير اخواتي الكريمات


اليوم سويت فطاير غير ( هشة ، ولذيذة ) ما امدحها بس اذا جربتوها بتحكمون


وهذي الصور والمقادير : واذكروا الله














المقادير طبعا بقياسي الشخصي :


1 - خمس اكواب طحين ( دقيق المطاحن الكويتية ) + ملعقتين طعام خميرة فورية + 3 ملاعق حليب بودر

+ 3 ملاعق سكر + رشة ملح + فنجان ونص زيت + سمسم + جبن اي نوع تفضلينة لحشو الفطائر .

+ من كوب الي كوب ونص ماي دافي .

الطريقة :

نذوب الخميرة في نص كوب ماي + السكر + الملح + الحليب + الزيت

بس تذوب هالمقادير حطي الطحين واعجني بس لا تزيدين ماي في البداية اذا حسيتي العجينة

يابسة زيدي شويه ماي نص فنجان + ملعقة زيت لحد ما تصير العجينة متماسكة وسهلة العجن

وبتحسين فيها ماتلزق .

غطيها ولفي عليها فوطةوخمريها من ربع الي نصف ساعة وبتشوفينها ما شاء الله راح تطلع من

الجدر اللي خمرتيها فيه .

وسوي كل الفطاير اللي خاطرج فيها وادعيلي .