نبدا يالا
المقادير متل ما كتبتها ام عزيزان
المقادير:
فنجان قهوة سكر / 2 ملعقة اكل خميره فوريه / 2 كاس ماء دافي /ذرة ملح / 2 كاس دقيق.
الطريقه:
تخلط هذه المقادير مع بعض وتترك لمدة 10 دقائق
بعدالعشر دقائق يضاف لها
3 كاسات دقيق /نصف كاس زيت.
وتعجن جيدا وتستخدم حسب الشكل المرغوب
ومثل ما قلت زيدي 2 ملعقة حليب بودر على المقادير
هون اول ما حطيت المقادير الاولى
وهون بعد العشر دقائق حطيت المقادير الباقية
عجنتها وخليتها شوي على جنب وعملت الحشوة
دجاج
فليفلة خضراء
جزرة مبشورة
بصلة
اقلي الدجاج وحطي فوقه الخضروات ورشة ملح ورشة بهار وقلبيهم منيح واتركيهم شوي على نار خفيفة
انا عملت ضفيرة طبعا طريقتها معروفة
هون بعد ما فردتها ودهنتها بالثوم
حطيت عليها الحشوة
وهي ضفيرة تانية حطيت على وجهها جبنة وطلعت لذيذذذذذذذة
وهون بعد ما سكرتها بعرف شكلها بضحك ودخلتها الفرن
وهون بعد ما طلعتها من الفرن
يتبع
فردت العجينة على شكل دائرة وحشيتها طبعا بتقدري تحشيها على كيفك وحطيت على الوجه جبنة
وفردت عجينة تانية وحطيتها عالوجه وسكرتها ودهنتها بصفار البيض
وهي متلها بس على كبير ما شاء الله العجينة كبيرة ما عدت اعرف شو اعمل فيها
ودخليها الفرن لحد ما تتحمر
وهيدا شكلها هون بعد ما قطعتها الجبنة كانت سايحة يمممم بتشهي
وهون بعد ما انتهيت
اما دوناتي يا سلااااااام كانو تحفة والله زوجي ما صدق ان انا للي عملتهم
افردي العجينة وقطعيها بكوب متل الصورة
هاتي غطا قنينة واعملي دائرة صغيرة بنص الدائرة الكبيرة
واقليهم بزيت غزير
وبغدين زينيهم على كيفك
هون بعد ما زينتهم حطيت شوكولا nutella وزيتنته متل ما شايفين وهي النتيجة الاخيرة
وهيك خلصت العجينة
امانة شو رايكم بعرف ان منو متل شغل الاساتذة البنات ما شاء الله عليهم بس تلميذة عم تتعلم خخخخ
واخيرا يا بنات بدي اتشكركم وحدة وحدة الله يخليكم يا بنات والف شكر لكم عالوصفات اللي بتحطوها والله صرت طباخة من وراكم تلميذتكم زوجي ما هو مصدق وقللي قعدتك عالانترنت فادتك خخخخخخ الله يوفقكم ويهنيكم وشكر خاص للغالية ام عزيزان الله يخليكي ويسعدك ويوفقك يا رب ويجعل مثواكي الجنة وتسلميلي الف مرة يا استاذة