معجنات العشاء الطرية جدااااا ...شهية و لذيذة .. تتاكل سادة أو محشية

السلام عليكم و رحمة الله و بركاته







برغم إنشغال الواحد في الحياة اليومية ... بس برضه يفضل عشق الواحد للمطبخ :21:.. و القعدة لوحدك كده على النت .. و تمخمخي و تقولي عايزة أعمل وصفة جديدة أفاجيء بيها البيت .. بس تكون حلوة و مضمونة :icon18:
و الحمد لله من يومين كان مزاجي رايق و أقعدت أدور على وصفة تنفع للعشا .. معجنات طبعا :22:.. عشان نلعب في العجين براحتنا :7_5_131:

و لقيت وصفة سهلة و مضمونة و نتيجتها هايلة فعلا

و تنفع تعمليها بدل عيش السندوتشات .. و تستخدميها كسندوتش و تحطي اللي يجي على بالك .. جبنة .. مربى ... بيض .. سجق .. هوت دوج
أو ممكن تحشيها قبل الخبز برضه بأي حاجة تعجبك ... و هاوريكم حشوتي ليها بالهوت دوج .. و طلعت فعلا لذيذة أكتر

و الأحلى إنها حلوة حتى لو إتاكلت حاف

يلا بينا على الشغل

المقادير

¼ كوب ماء دافيء
2 ¼ ملعقة صغيرة خميرة فورية + 1 ملعقة صغيرة سكر
1/3 كوب عسل نحل ( يمكن إستخدام سكر ... و لكن العسل يعطي طراوة أكثر للعجين)
1 ¼ كوب لبن دافيء للعجن
1/3 كوب زبدة بحرارة الغرفة للعجن
1/3 كوب زبدة للدهن و خدي بالك ما تكونشي سايحة فقط بحرارة الغرفة
1 بيضة
1 ½ ملعقة صغيرة ملح
1 ملعقة صغيرة بيكنج بودر ( يجعله هش و طري أكثر )
4 ½ كوب دقيق

ذوبي الخميرة مع السكر في ربع كوب الماء الدافيء و إتركيه جانبا حتى يفور
إخلطي المقادير السائلة معا .. اللبن + العسل + البيض + الزبدة حتى تذوب الزبدة و يمزج البيض جيدا ... ثم أضيفي الخميرة للمزيج السائل
أضيفي الدقيق و الملح و البيكنج بودر بالتدريج .. و إجني جيدا حتى تحصلي على قوام العجينة طري و يلصق قليلا في اليد .. و كل ما تعجني من 5 إلى 10 دقائق يعطي العجينة القوام المطلوب

و إتركيها تخمر للضعف



قسمي العجينة لكرتين متساويتين تقريبا



إفردي أول كرة على شكل دائرة كبيرة ... لا تبالغي في فرد و ترقيق العجينة .. بس خدي في إعتبارك إنها لسه هتخمر و تتضاعف حجمها




بقطاعة البيتزا أو سكين حاد .. إقطعي الدائرة لأربع أجزاء



ثم الجزء الواحد لثلاث مثلثات .. ممكن تحددي قبل القطع زي ما أنا عاملة كده عشان تقطعي قطع متساوية



هتلاقي عندك 12 مثلث بعد التقطيع




إمسحي كل مثلث بالزبدة اللي سايبنها للدهن .. و الزبدة تكون بحرارة الغرفة ما تكونش سايحة خدي بالك ... بس إمسحي بسخاء كده .. هو ده اللي هيدي العجينة الطراوة و الطعم الحلو اللذيذ




إبداي شكلي كل مثلث على حدة و لفيه رول







و ما تنسيش تقفليه كويس و تخلي القفل لتحت عشان ما يفتحش منك لا في التخمير و لا في الخبز



أقفلية كويس و رصيه بالشكل ده



لسه في تانييييييييييي .. إستنونييييييييييي :21: