بس ما يحتاج مقاطعة وكذا

مره ثانية قعدي ابوه من النوم وخليه يشوف
مهو عشان يتهاوش مع اخته
عشان يفهم ان الطفل يايكون مع أمه او مع ابوه
ودوه لطبيب الأطفال حتى يصرف له مرهم
ياقلبي عليه 💔💔

الله يمسح على قلبك بالايمان والرضا يارب ويجعل لك من كل هم مخرج وتشوفينه في اعلى المراتب

قبل مااشوف الردود والله ماقريت شي
لكن اقسم بالله الوضع عادي
وين متوقعة تغسل حفاظته مستحيييييييل!!!!
الخالة يالله وبالله تغير حفاظته وبالضرورة بعد ولاهو كل الخالات وحدة بس تكون تتحمل
ياعزيزتي هي ماقصرت عزمت ولدك من ابوه ورفضتي ودقت عليك تحاول فيك ولو ماهي حابة وجود ولدك ماحاولت كل المحاولات خاصة انه صغير مايتكلم ويسولف يعني ماتبغى غير وناسته وحضوره والا وش بتستفيد منه يعني ؟؟؟
المهم انها عزمته وقت الحفلة بس مو يقعد لين 11 تراه طفل صغير يبيله مسؤلية. المفروض انتم ترجعون تاخذونه باي طريقة ولاتتاخرون عليه
او على الاقل تنبهين زوجك ماينام لو هو ميت من التعب تزنين عليه يجيبه ماتخلونه هذا ولدكم وانتم الاحرص عليه المفروض ماتلومون الناس اول مايطلع من الدوام يمره ويجيبه مايطول ابدااااا غلط .
والله مااشوفها غلطانة واذا فيه غلط مشترك بينكم
اخيرا احمدي ربك قسم اني اقرا ومنهبلة اتوقع مسوية فيه شي كبير والا جاك فيه ضربة والا مفلوق راسه والا طايح
ووسعي صدرك وقلبك كيف هالموقف يخليك تقطعينها وتكرهينها !!!
اجل بالمشاكل الكبيرة وش بتسوين !
التعامل مع مع الناس يبي طولة بال + حسن ظن + مرونة وليونة
وجزاك الله خير على تحمل كلامي 😘

دام انها حبيبة معك مثل ما تقولين ، هي و أخواتها ، حرام نسيء الظن ..


بس فيه شخصيات كذا فيهم برود ، و لامبالاة ، و بلاهة .. ولا طفل عمره سنتين تعزمينه بدون أمه ليش ؟ حتى شغالة ما معه


و إن عزمته ، مو مفروض تعطيه انتباه كافي ؟ لأنها أصرت ووعدت انها بتهتم بتغيير الحفاظ .. ولا يقعد ساعتين ثلاث أربع بدون تغيير يعني ؟ هذا استهبال


بس تلاقينها انشغلت ، وما عندها مهارة إدارة المهام ، و نست موضوع التغيير تماماً ..


وبالمقابل حتى إنتي غلطانة ـ لو عندي طفل سنتين مستحيل يطب مكان مامعه لا أنا ولا أبوه ولا شغالته .. لازم أحد متفرغ له طول وقت الحفل .. حتى شغاله ببيت مب بيت أختي أو أهلي مارح أخليه معها .. وش يدريني مين يلمسه مين يوديه مكان صاد ..؟


دام انها أخت زوجك .. سامحي و انسي .. أكيد ما تقصد .. بس الفهاوة والبرود مشكلة .. الله يعين عيالها ..