كان عندنا يوم الأم والأطفال يحتفلون مع امهاتهم كل طفل يداوم ومعاه امه ويصير توزيع هدايا والعاب
وكل طفل يهدي امه ورده وشدتني طفله اسمها (نور) مثل القمر بس كانت هالبنت عندي بالفصل
ماتشارك وكل ماسألتها تنزل راسها وكان شكلها غير مرتب من الشعر والملابس وحتى عند تقديم
الوجبات لهم كنت الاحظها تاخذ الموزه او العصير تحطه في شنطتها يعني ماكانت تاكل مع الأطفال
وحتى الأطفال كانوا ينبذونها او يضحكون عليها وكنت اوبخهم واكثر شي كانت تنام في الفصل وان صار
اجتماع مافي احد يجيلها المهم قلت لكم كل طفل يقدم ورده لأمه ويوم عطيتها الورده قلت لها نور وين
ماما عطيها الورده نزلت راسها وتقدمت لي وهي منزله راسها وعطتني الورده قالت:
ابله امي ماشفتها مدري وين؟؟
خليها عندك وذا جت (سيما) عطينياها قلت من سيما؟؟ قالت: الشغاله.وبالفعل جتني نهاية الدوام
وقالت :ابله وين الورده جت سيما وعطيتها وانا اراقب الوضع من بعيد تاخذ سيما الورده بنفس
متشائمه .
وترمي الورده على الأرض والبنت عينها على الورده خلص اليوم ونسيت انا الموضوع والبنت
بعد اسبوع الاحظ يدها الصغيره محترقه وكل شوي تضم يدها على قلبها وتغمض عينها من الألم قلت لها
نور حبيبتي شفيك؟؟!! وانا العب بشعرها والبنت تميل راسها لي وتقول يدي تعورني قلت لها ليه
ياحبيبتي.
قالت بكل براءه اذا قلت سيما تظربني قلت حبيبتي قولي ماراح اقول لسيما قالت سيما حرقت ثوب بابا
بالكوايه
وقلت لسيما يووووو ياويلك من بابا وظربتني وحطت يدي على الكوايه وقالت انتي ليش تلعبين بثوب بابا
وتحرقينه ابله انا ماسويت كذا والله يا ابله انا ماكذب الي يكذب يروح النار وبدت تبكي بصوت مقهور
متقطع وربي يابنات تقطع قلبي ودمعت عيني وضميتها على صدري ولعبت بشعرها قلت لا انتي بنت
حلوه وانا اصدقك لاتبكي حبيبتي وانا دموعي تتسابق قبل دموعها واخذت( نور) ورحنا للأخصائيه
الأجتماعيه حقت المدرسه وقالت يووو نور عمري ماشفت لها احد من قرايبها غير الشغاله الي تجي
وتروح معاها وسألت نور قلت لها: حبيبتي وين ماما ؟؟قالت ماما راحت سافرت بعيد ماراح تجي!!
قلت من يقولك كذا قالت عمتي خلود تقول ماما ماتبيك خلتك وسافرت !! وقلت طيب وبابا وين:قالت بابا
كل ماشافني يصرخ علي ويقول فاااارقي لاشوفك روحي غرفتك ولا اخلي الجني يطلعلك!! وردت تبكي::icon33:
الأخصائيه الأجتماعيه بدت تبكي وقالت حسبي الله على هالأهل ماعندهم قلب وحاولت تتصل على البيت
مافي احد يرد وتتصل على كل الأرقام المدونه بملف البنت وماوصلنا لحل المهم عندنا حنا المعلمات
فترة مناوبه ننتظر الأطفال لآخر طفل يروح بيتهم وبعدها نمشي وكان يومها انا وزميلتي مناوبين ننتظر
ومابقى احد غير(نور) نايمه وهي بوضع الجالس وربي براءة العالم كلها فيها وحزينه هالبنت وانا
عيني على ثوبها الأزرق المتوسخ وحذائها التالف ويدها المحترقه وتقدمت لها حتى مازعجها وهي
واقولها بصوت منخفض وهادي نووور؟؟؟ وتفز البنت من مكانها يالله يابنات منظرها كيف قامت وراسها
يمين ويسار وخايفه وعيونها الواسعه فيها خوف اول مره اشوف طفله بهالمنظر واسمي عليها قلت
لاتخافي حبيبتي قالت ابله سيما وين سيما ؟؟ قلت ماجت وانتظرت معاها بعد ماراحت زميلتي بيتها
لأن وراها زوجها وعيالها ومابقى غيري انا وشغالة المدرسه والحارس ابو محمد وصارت الساعه 3
العصر واخذت البنت وقلت للحارس هذا رقمي خله عندك ان احتجت لي ورحت لبيتي واول ماجيت البيت
وتشوف امي نور وتضمها وتقول من هالقمر تجنن وخواتي بعد المهم قلت لأمي السالفه وجلست البنت
عندي وغيرت ملابسها واكلت البنت وصرت امشط شعرها واسولف معاها وصارت تاخذ وتعطي معاي
بالكلام وعرفت منها ان الي تعيش معاه عمها اخ والدها وتناديه بابا وعمتي خلود حرمة عمها وكانت
تظرب راسها بالحيط اذا طلبت شي وكانت تعطيها ملابس بناتها الي خلصت منها وتخليها تنام بغرفه
مع سيما وكانت سيما تظربها وتخوفها وتقول لها اذا فتحتي فمك وتكلمتي ياويلك لأن سيما كانت تقابل
السايق سامول في غرفتها وتقول لنور تغطي بالبطانيه وحطيها على وجهك ولا اناديلك الجني !!!!
آآآآآآآآآآآآآه يابنات لوشوفتوها تسولف وهي تلعب بلعبه عطيتها وكنها نازله عليها من السما .. راح
اليوم
وتوقعت ان احد من اقاربها يتصل او يسأل عنها وثاني يوم قالي اخوي: بما انه محقق في الشرطه انا
آخذ البنت معي لأنها مسؤليه بس اول لازم ياخذ ورقه من مديرة المدرسه تفيد بأن الطفله نور برعاية
المدرسه..
وصار الي صار وراحت البنت مع اخوي وهي تقولي مابي عمتي خلود تظربني الحين انا ماحرقت ثوب
بابا!!
ابله خذيني عندك وقلبي تقطع قلت انا راح اجي معاها بس اجلس بالسياره ورحت المهم بحث اخوي
بالكمبيوتر وطلع اسم نور وكل عائلتها وصار يتصل ويستدعي وجت المخفر حرمه بأول الثلاثينات واول
ماشافت نور وتضمها وتبوسها ونور مستغربه موعارفه هالحرمه طلعت السالفه يابنات انت هذي
الحرمه خالة نور اخت امها وام نور وابوها واثنين من اخوانها توفوا بحادث وهم بطريقهم لمكه وبعدها
نور صغيره عمرها سنه واعتنت فيها جدتها لأبوها وتوفت واخذها عمها غصب من خالتها وقال بنت
اخوي ماتعيش عند اجناااب!!
واستدعوا عم نور ومدام خلود واخذوا عليها تعهد بعدم تعرضها للبنت وبحبس الشغاله وقضية اهمال
قاصر وعم خلود يصارخ ويتوعد خالة نور وقام الضابط وحبس عم نور في قسم الشرطه وبالتدقيق على
بيانات العم اتضح انه مطلوب لعدة شركات وشيك من غير رصيد وهارب من تنفيذ الحكم وعاطل عن
العمل والبيت الي ساكن فيه بيت اب نور الي اخذه عمها من غير وجه حق يعتبر حق يتيمه .
وتم تسليم نور لخالتها ..
.شفت نور الحين عمرها 8سنوات في الصف الثالث شفتها يوم كنت جايه اسأل
عن درجات اختي بنت مرتبه من المتفوقات وكانت مبسوووطه تقولي ابله جتني اخت صغيره مثل العبه
اسمها نوره وهو اسم ام نور والأخت الجديده بنت خالتها جزاها الله خير الي مانست بنت اختها وعلى
فكره جدة نور ام والدة نور موجوده وكانت تتمنى بس تشوف نور وتدعي انها تشوفها.....
شفتوااا يابنات السالفه هذي خلتني اعرف ان البيوت اسرار وكل بسمة طفل تخفي آهاااااااااات وصدق
من قال:
المعذبون في الأرض.............................
فعلا المعذبون بالارض والله ان السالفه اقرب للخيال بس للأسف في هذه الزمن صار الخيال هو الواقع..
لا حول ولا قوه ألا بالله