معرفة جنس الجنين قبل الكشف بالسونار..

السلام عليكم
أخواتي شو أخباركم..إن شاء الله كلكم بصحة وعافية..
باختصار أكيد الأغلبية شدهم العنوان على بالهم عندي طريقة لمعرفة جنس الجنين قبل الكشف بالسونار..
ولكن الواقع أنا جيت اليوم علشان أقول لكم إن كل هالمعلومات مغلوطة وما تنطبق على الكل وهي مجرد ملاحظات تم جمعها من كذا حالة وصاروا يعمومها عالكل...
فمثلا قريت في المنتدى موضوع عن علامات إذا حصلت لك فانتي حامل بولد ..وعلامات إذا حصلت لك فانتي حامل ببنت ..وأنا شفت العلامات اللي تنطبق علي توحي بأني حامل بولد منها على سبيل المثال إذا كان كيس الحمل في الشهر الأول على شكل هلال يكون الجنين ولد...وإذا كان كيس الحمل في المبيض الأيمن يكون الجنين ولد...وإذا كان الخط اللي في البطن مستقيم وما فيه تعرجات يكون الجنين ولد..وإذا حسيتي بحركة الجنين في جهة اليسار يكون ولد...
والكثير الكثير ..بس ذكرت الأشياء اللي انطبقت علي ...
وطبعا بعد هالعلامات اللي تقول إن الجنين ولد أيقنت إني حامل بولد...واليوم بدافع الفضول رحت العيادة علشان أتأكد من جنس الجنين....واتوقعوا شو طلع؟؟؟؟؟

طلع إن كل هالمعومات خطأ..وجنس الجنين بنت..(وترا الدكتورة وايد شاطرة ومشهورة)
ولما قلتلها عن هالملاحظات قالت لي كلها خرابيط ومعتقدات خاطئة يتداولها الناس ..

ونسيت أقوللكم إن الجدول الصيني بعد يقول إن فيني ولد..وطلع كله خرطي..

طبعا أنا حكيت لكم قصة حياتي ..بس حبيت إني أنبه الأخوات علشان ما تعتمد الوحدة فيهم على هالمعلومات وبالأخير تنصدم ..