معرف لمين اشكي شوروا علي

بسم الله الرحمن الرحيم

يارب تعطي كل من دخلت موضوعي رجاها وتحقق مناها🤲🏻💕

مشكلي باختصار اني اجد صعوبة جدا في الارتباط انخطبت لما كان عمري٢٥سنة وملكت ومن يومها مرضت حد اني شفت الموت بدون مبالغة وانفصلت واكتشفت الخيرة من الانفصال حيث لم يكن رجلا صالحا وان لبّى لي جميع مطالبي..من بعدها وانا نفسيتي صادة عن الزواج ومؤخرا بعد مادخلت الثلاثينيات صرت افكر جديا بالزواج سجلت بمواقع محترمة للارتباط والخطبة بحثت عن خطابات جادات موثوقات دون جدوى امور زواجي متعسرة ولمرة وحدة لقيت شخص مناسب بس كشيت منه لسبب مااعرفه وبعد رفضي له ندمت وحسيت برغبه بالزواج منه وقبوله لكن بعد مافات الفوت ومرات يجيني شعور بفتور وعدم رغبة بالتفكير في الارتباط رغم اني محتاجته كثير كثير اخواني وخواتي كلهم متزوجين ولاهين بحياتهم وانا اعاني من مرض اخوي الكبير الامر اللي اضطرني لترك المنزل واستقلاليتي ببيت وحدي برضى امي وباقي اهلي بس احس بوحشة لوحدي وخوف وابكي من الوحدة مهما اشغلت نفسي تجيني لحظات احتاج فيها اللي يشاركني لحظاتي واجلس وابي حس دافي وامان بالبيت ..

والله اني اكتب لكم وانا متألمة نفسيا وتعبت انا جميييلة وعمري ٣٣وناجحة ومثقفة حتى اللي يشوفوني يستغربون ليش ماتزوجت للان ..تخيلوا اني صرت حتى اقبل بالمعدد ومع ذلك مالقيت المناسب
وقاعدة ارقي نفسي وبالبداية كنت احلم احلام مرعبة وكوابيس وخفت مع الوقت بس بعد ابي حل او كلمة تصبرني وتواسيني
وجزاكم خير