معرقة....رز ولحم...بطريقه غيرررر

بسم الله الرحمن الرحيم...

طبعا ما يخلو الاسبوع الواحد من طبخ الرز عالاقل مرتين ثلاث..هذا غير اللي يبونه يوميا..وما يبون غيره...اليوم بنسويه بطريقه مختلفه نوعا ما...
كل المطلوب ...بصل وطماط ولحم...بامكانك تستخدمي دجاج..لكن اللحم اطعم...
ورز مسلوق...


نبدأ
قطعي البصل تقطيع صغير...
حطي شوي زيت في قاع القدر...انتبهي..شوي بس بحيث ما يحترق البصل...
حطي عليه البصل...وقصري النار قد ما تقدرين...(عاد انتبهي اخاف تقعدين كل اليوم ما تستوي طبختك)...وغطيه لمدة عشر دقائق...ولا تحررركينه..اذا حركتيه لو شوي خربتي شغلك...بس اهم شي يتساوى في القدر...


بعد كذا حطي فوقه الطماط...وغطيه عشر دقايق ثانيه...(انا اخليه خمس تقريبا...لكن اذا كان عشر تكون النتيجه افضل)
http://www.tl3b.com/uploads/04-04-06~Image_651_1.jpg

بعد عشر دقايق اضيفي اللحم...اولا نبدأبالعظام...ثم القطع الصغيره نسد بها الفراغات..وعلى فكره ترا الضلوع لها طعم غيرر
طبعا بعد ما تحطين اللحم تتبلينه وتملحينه (مدري ورا البهارات طالعه خضراء؟)وتغطينه حوالي ساعه...المهم الى ان يستوي اللحم...

وبعد ما تستوي اللحمه يكون هذا شكلها...


تكونين سالقه الرز في ماء وملح وشووووي زيت...في الساعه اللي قاعده فيها فاضيه تنتظرين اللحمه متى تستوي..
حطي الرز فوقها وخليه عشر دقايق عشان يتشرب موية اللحمه...
http://www.tl3b.com/uploads/04-04-06~Image_655_1.jpg

اذا جيتي تحطينه في الصحن...يكون زي المقلوبه...
اولا الرز...ثم اللحم...ثم البصل والطماط...انتبهي لا تحوسينها على بعض ...زيي..
هذا هو قبل ما نقضي عليه


اكيد عرفتوا ليش سموها بهالاسم؟؟
لانك ما تستخدمين فيها الماء أبدا...خليها لما تعرق وتطلع ريحتها
خخخخخخخخخخخخخخخخ
اهم شي تخلينها في النهايه لما تتشرب المرق...
اذا استعجلتي عليها راح يكون البصل والطماط ملياان مرق...ومنتي عارفه تاكلينه...
ولا تكثرين الزيت عشان ما ينشب لك معهم...
الشحم اللي في اللحمه ينزل الزيت مهما شلتيه...

وبس ...بالهنا والعافيه