معزومة على ملكة.. و ابيكم تلبسوني يا انيقات حواء

قوة بنات..

طبعا طلبي واضح من عنوان الموضوع...

انا معزومة على حفلة ملكة و بصراحة ه>ي اول مناسبة فرح احضرها من عقب زواجي.. و للعلم انا متزوجة من خمس سنوات ..

ما تتصورون اشكثر متحمسمه .. و محتاجة مساعدتكم لاني نسيت شلون الناس تتجهز لمثل هالحفلات.. و من كثر حماسي اخاف ابالغ في اللبس و الشعر و المكياج و يطلع شكلي ما له داعي او اني ابسط و هم يصير شكلي ما له داعي..

بس يا بنات بغيت تفكرون معاي لاني محتارة لعدة اسباب..

اولا العرس مو لناس يقربون لي.. يعني مو اهل و لا اصدقاء.. ممكن تقولون معارف .. جمعتني فيهم مواقف عدة و الحين عزموني في ملكة بنتهم..

ثاني شيء.. الحفلة بتكون في البيت.. يعني مو قاعة او صالة..

و ثالث شيء خبروني انه المناسبة تقتصر على الاهل و الاصدقاء و الناس المقربة لهم..

بشنو تنصحوني يا بنات؟؟؟

انا في بالي افكار واايد.. بس احسها مبالغة و لما ابسطها.. احس لبسي بيصير اقرب لاني رايحة عزيمة عشا او جمعة عادية..

يله يا بنات .. انتظر رايكم و ابي لما ارجع للموضوع اشوفه صفحات متعددة .. مو بس كم رد و السلام...

ملاحظة: الحفلة عقب شهرين تقريبا..