بسم الله الرحمن الرحيم
والصلاة والسلام على سيدنا محمد وعلى اله وصحبه اجمعين..
اليوم أنا حابه أشاركم واكتب لكم بعض النصايح الي لازم نتبعها قبل لا نروح مناسبه سواء كانت مهمه او زياره عائليه وحابه تطلعين بشكل حلو....
أدري أن في بنات تكلموا قبلي بهالموضوع بس انا حابة أضيف تجاربي وملاحظتي.. ..
أتمنى ما اكون ثقيله عليكم واتمنى الردود السنعه الي توسع الصدر ..وأقلها رفع الموضوع رفع الله مقداركم..
نبتدي:
- توكلي على الله في كل امورك وابتعدي عن الامور المحرمه سوء في اللبس او النيه او لسبب الزياره..وأحتسبي الاجر لله انك رايحه تلبية دعوه او صلة رحم او.........الخ.
- جهزي ملابسك الي راح تلبسنها..وشيكي على نظافتها وريحتها وأذا تحتاج كوي اكويها ..وعلقيها بالخزانه لوقت المناسبه..
- جهزي شنطة اليد وحطي فيها عطرك ومشط صغييييير ولا تنسين مراية صغيره والروج والجلوس..كيس المناديل الصغير ومنديل معطر للحاجه..وكيس العباة.
- جهزي الجزمه او الصندل الي راح تلبسيه وامسحيه من الغبار.
- عباتك,,, عباتك وشيلتك ونقابك لاتنسينهم غسليما واكويهم وعلقيهم..(طبعا مو كل مناسبه تغسلينهم ,غسليها اذا حسيتي انها تحتاج.ولاتعطرينها...لانه مايجوز يشمك احد متعطره..
- نجي للمكياج ان عن نفسي لما أحط في بالي لبس معين وأحس اني موعارفه ايش احط مكياج اجيب ملف عندي فيه مجموعة من صور المكياج مأخذتها من المجلات قبل لا ارميهم..واحاول أختار رسمه واطبقها..
- على هالاساس أجهز المكياج عالتسريحه لاني من النوع الي اسوي كل شيء باخر وقت..يعني انا مو من النوع الي اجهز وانتظر موعد الزياره؟؟لالالالالالا فيني هالعيب ما اخلص الا عالسيــــــــــارة على طووووووووووول..
- بشرتك اهم شيء أهتمي فيها اشربي مويه كثير ونامي كويس, وقبل لا تتحممين خذي لك 1ملعقة زبادي وحطيها على بشرتك مباشره مدة ربع ساعه..واغسليه بماء بارد ونشفيه وبعدين امسحي بشرتك بماء الورد..هذا بمثابة التونيك ..وبهالطريقه تكوني هيئتي بشرتك للمكياج..
- أذا عندك وقت صلحي لك نوع حلى سريع ..والله يخلي كاتب النخـــــــــــبه كله حلويات سهله وسريعه ..أو مري محل حلويات وأشتري معك كيك او بقلاوه او..............انتي وذوقك..وميزانيتك..
- بعد ما تسوين هالامور كلها روحي وتحممي حمام الهناء..بعد ما تكوني زلتي الشعر عن الاماكن الي تحتاج.
ولا تنسين البلسم والماسك لشعرك...
- اهم نقطه فمـــــــــــــــــــــــــــــــــــــــــــــــــــــــــــــــــــك نظفي اسنانك بالخيط الطبي وفرشي اسنانك بأخــــــــــــــــــــــلاص ولو كانت عندك مشكله بالثه أستعملي معجون بارودنتكس..والمضمضه حقته.
- بعدما تطلعين امسحي شعرك بالسيرم سواء كان ناعم او جاف مصبوغ او غيره لازم تستخدمين السيروم لانه راح يحمي شعرك من السشوار.
- أستشوري او جعدي شعرك..وجهزي أكسسوارات الشعر من كلبات او طوق او ايشارب او بنس ملونه او ورده.
- وأبداي بالمكياج خطوه خطوه..ولا تكثرين كنك رايحه زواج...حلاة المكياج بنعومته والدراج المكياج الخفيف مع رسمه بالكحل تبرز العين.
- بعد ما تنتهين ألبسي وتدخني بالعود(اذا كنتي رايحه مع محرم)ودخني شعرك كويس..
ولاتنسين دهن العود..والعطور العربيه بشعرك بس.
- وسمي بأسم الله وأذكري الورد اليومي للصباح والمساء علشان الله يحفظك..
- وأذا وصلتي وشلحتي العباة أما تلفينها وتحطينها بكيس العباة الي معك..أو تعلقينها اذا كان في شماعه عند المدخل.(أنا عن نفسي حتى لو في شماعه ما اعلق عباتي ..لان كل وحده بتجي بتحط عباتها على عباتي واذا أنتهت الزياره القى عباتي عالارض او شيلتي بجهه عباتي بجهه ثانيه!!)دايم تصير لي!
- الحمام ........وأنتو الكرامه لادخلتي احرصي ان الشنطه تكون معك..بعد ما تقضين حاجتك غطي المرحاض و تعطري وعيدي عالروج وصلحي شعرك و مكياجك لو أحتاج.
- خليك لبقه ,ولا تجلسين بالمجلس وتصرخين باعلى صوتك...خليك نعـــــــــــــومه..ولاتحطين رجل على رجل اذا كانت مقابلتك حرمه كبيره بالسن..
- ولا تنسين الكلام الحلو (شكرا /الله يعطيك العافيه/سمي / الطبخه حلوه من طابخها/نعم الله عليكم/اكرمكم الله/وفرصه سعيده لما تشوفي ناس اول مره )
- والمجامله ثم المجامله ثم المجامله ..لاتنسينها..
- واذا كنتي على خلاف مع وحده من المدعوات حاولي تجلسي بنفس الصفه الي جالسه عليها..
لانها لو قابلتك راح تفهمين كل حركه وكل كلمه انها عليك فافضل لو كانت معك بنفس الصفه ما راح تشوفينها.
- وأياك والغيبه والنميمه.....وخلونا نرتقي شوي ونتكلم كلام احلى من الحش والقص باعراض الناس.
- بعد ما ينتهي العشاء او الضيافه على طول دقي على زوجك او اخوك او الي راح ياخذك واطلعي لاتطولين وتصييرين غثيثه..
- وبكذا تكون الزياره انتهت وانتهى موضوعي معكم...أتمنى لكم الفايده ..والي تحب تزيد تتفضل الموضوع موضوعها..والي تحب تنتقد تنــــــــــقد نقد بناء لا هدام..واكيييييد اختلاف الراي لا يفسد للود قضيه..
وسلامتكم...دفى شمس
دفى شمس @df_shms
محررة ذهبية
يلزم عليك تسجيل الدخول أولًا لكتابة تعليق.
أيـــــــــام حلوه
•
مشكووره اختي والله مقصرتي حلو كلامك
الصفحة الأخيرة