السلام عليكم ,,
مساء الخير
البارح كنت معزومه على العشا عند وحده من اقاربنا وطبعا كانت عازمه العيله كلها ماشاء الله تبارك الله ومن زمان مااجتمعنا مع بعض عشان كذا اشتغلت على نفسي وماطلعت من البيت الا وانا على اتم الاستعداد ...
وحبيت انكم تشاركوني وتستفيدون من طريقتي في الاستعداد للخروج بدون حوسه وتعب:time:
يلا نروح للخطوات..........
اولا .. رحت قبل بيوم السوق واشتريت هديه وغلفتها نص تغليفه والباقي انا كملته في البيت
ثانيا .. لمن رجعت للبيت حددت اش بألبس انا وبناتي وولدي الصغير وتأكدت انه نظيف وكامل يعني اكسسوار وجزمه وشنطه والملابس الداخليه المناسبه له:35: وحتى المكياج جهزته
طبعا العبي والطرح المخصصه للخروج جهزتها كمان
وحرصت انها تكون كوووولها نظيفه ومكويه
يوم العزيمهيوم العزيمه بدأت استعد من العصر قمت عاد وسويت صينية بسبوسه وقطعتها وحطيتها في ورق بليسيه ورصيتها ثم غلفتها بسلوفان احمر وحطيت شرايط سكري وحطيتها على جنب ....
دخلت انا اكرمكم الله الحمام واخذت لي دوش مزبوووووط طبعا مانسيت افرش اسناني لانه شي مهم ..... ثم لبست ملابس الداخليه تبع الخروج وفوقها قميص خفيف وعلى المرايه بدأت بوجهي حطيت له كريم مرطب وخليته يرتاح الين اسشور شعري:27: بعدين اكمل مكياج....
سشورت شعري وانتهيت منه وطبعا مانسيت اني ابخر شعري والحمدلله دايما ريحت شعري حلوه
رجعت لوجهي وبدات بوضع المكياج.... بصراحه يابنات انا مااحب المكياج الكثير... احب البساطه دايما حطيت بودره على وجهي وحطيت شوية ظل للعين برونزي واضاءه كمان شويه تحت الحاجب .. وكحلت عيوني بقوه مادري ليش الكحل احبه زايد واسسسسسود.. وحطيت ماسكارا وروج وبلشر
وقمت كملت لبسي ... لبست الاكسسوار والفستان والجزمه (تكرمون) ولميت اغراضي ورجعتها مكانها وشلت شنطتي بعد ماحطيت فيها الجوال والعطر ولبان اكسترا بالنعناع لانه منعش وتمسك ريحته في الفم .... ولا انسى طبعا التحصين والذكر لي ولبناتي ولولدي الله يخليهم ليا
طبعا جميع المراحل مرت وبناتي حولي وحده على اليمين والثانيه على اليسار وكان هناك بعض التتش والمضاربات بينهم على المكياج ... لكن تمت العمليه بسلام وبدون حوسه وفرايس وخرجت والبيت نظيف وغرفتي مرتبه ماتركت ورايا شي...
واسهل واسرع واحد خلص ولدي الصغير ... ياحظهم مايتعبون.. كلها على بعضها بدله وجزمه وشراب وشوية اقصد والمزيد من العطر وخلص خلاص
هذي طريقتي معتمدتها دايما عند خروجي, اتمنى تستفيدون منها وتعجبكم ... واسفه على التطويل:39:
الاميرة توووتة @alamyr_tooot
محررة ذهبية
يلزم عليك تسجيل الدخول أولًا لكتابة تعليق.
الصفحة الأخيرة
فعلا التنظيم يخلي كل شي سهل .. حلو انك تجهزين ملابسك وملابس عيالك قبل بيوم