السلام عليكم ورحمة الله وبركاته
أنا مجربة معطرات الشايع إللي للفرش وعندهم خيارات كثيرة إللي عجبتني هي:
رشا و جنات و كنز الزهور
ومحل الشايع موجود في الدوحة في شارع السد وبعد خذت من عندهم بخور معمول ريحته وايد حلوة اسمه: البخور الراقي علبته ذهبية وعليه شريطة فضية ومكتوب عليه (صنع في البحرين، شركة أصغر علي)
بس أحلى معطر للفرش اشتريته كان من الرصاصي واسمه:أكوا زينة الفرش ... علبته وردية وشكلها وايد راقي... وريحته على ورد يشبه ريحة عطر florentyna حق اليهود ماركس اند سبنسر...
ومثل ما قالت الأخت أوفيليا ممكن انك تعملي الخلطة بنفسك بالعطر + الماء في البخاخ ... وهذا اللي قال لنا إياه البائع في محلات أجمل يوم سألناه عن البخاخات قال ما عندنا بس ممكن نعمل لكم خلطة حلوة وبعدين تحطينها في البخاخ وتصبين فوقه ماء وكل ما بغيتي ترشين تخضينه عشان يتوزع الزيت (العطر) وما يروح كله مرة واحدة (وهذه الملاحظة لازم تتبعينها لكل المعطرات إللي تكون عبارة عن ماء + عطر)... والخلطة على ما أذكر مكونة من أربع عطور بنسب متساوية ( عطر البخور + اسكادا كولكشن + جادور + مشموم )
الصفحة الأخيرة
هذا للمفارش والجو خيالي بس من وين احصله