معطيني مهله اسبوع أتنازل او يطلق

السلام عليكم
بداية مشكلتي قبل سنتين بالتحديد صارت مشكله بيني وبين اخت زوجي طبعا بدون ذكر المشكله هي الغلطانه وانا وقتها طلعت من بيتي ومارجعت الا بشرط أنها ماتدخل بيتي وزوجي وافق هي اعترفت بغلطها وقالت لزوجي عطني وعد ان الموضوع مايطلع حتى لاهلي قالها ابشري لاكن من يوم صارت المشكله راحت ل اَهلها وطلعت اكاذيب وإني ضلمتها وصارت ترسل لي من أرقام غريبه سب وشتم واقول لزوجي تراها ترسل يقول مالك شعل فيها شرطك ونفذناه ماراح تشوفين وجهها بالبيت وانتهى المهم طنشتها وكبرت راسي اَهلها يجوني وأكرمهم واستقبلهم بس برضو مشتطين ويرمون ويدقون بالكلام وبرضو مطنشه بس هي ماتجي معهم المهم له سنه متغير عليه مرهه وله شهر يقول تنازلي واعزميها وادحري الشيطان وانا رافضه لئن مشاكلها حتى مع سلفاتي مو بس انا ولئني ماسلمت من مشاكلها ورسايلها وتحريض زوجي عليه بكل الطرق المهم انا رافضه من الأخير ماراح تدخل بيتي واصلا المعروف عندنا الاجتماعات ببيت أهل الزوج الي حصل زوجي قبل اسبوع قال معك مهله اسبوع تعزمينها او انتي طالق مقهورة البنت بزر بالمتوسط ويبغاني أتنازل واعزم وهي مليانه شر ومسويه فيها انها مرحلة مراهقه ولازم نتحملها😫
طبعا زوجي مليان أغلاط وانا صابره عليه بس قهرني بكلمته رديت عليه لا تنتظر المهله تبغا تطلق طلق الحين هو هنا تحول وحش ويكسر بالأغراض يقول ابشري اصلا من زمان انتظر اللحظه ذي وربي لو تنقلعين من عندي غير اذبح حاشي وهذا نذر علي
انصحوني ودي أتنازل وبنفس الوقت ما تعودت من زوجي اَي مشكله يهدد بالطلاق وما أبيه يتعود وأحس كرامتي ماتسمح لي اجلس بعد كلامه اليوم 🤦🏾‍♀️
طبعا للتوضيح من صارت المشكله ماجبت له طاري او قعدت اتشكى منهاو حتى اسبها عنده ولا اصلا ما كأن صاير شي عشان ماتقولون يمكن طفش من المشاكل