مو كلها كلها بس 95% منها، إذا كانت ساعة ايد فيها عقارب (analog) ويسوون لها دعاية بالصور تبين والتوقيت فيها 10:10 أو فرق دقيقتين قبل أو بعد. ليش؟!!!
باختصار يحطونها بهالتوقيت أكثر شي عشان هالنقاط الثلاثة:
1- عشان العقارب لا تغطي اسم الماركة وشعارها على الساعة اللي عادة يكون تحت الساعة 12 مباشرة.
2- العقارب بهالوضعية يكون شكلها قريب من ابتسامة، نفسياً الناس ترتاح يوم تشوفه بدون ما تستوعب :) عقلك يترجم الصورة اللي يشوفها كأن المنتج قاعد يبتسم لك لووووووول-
3- الوضعية هذي تعطي انطباع ان الشكل فيه تناظر (متساوي الجانبين)، يعني إذا قصيت الساعة بالنص كل جزء راح يطابق الثاني، هالشي نفسياً يخليك ترتاح من الشكل وصورته يوم تشوفه.
الغريبة مو بس ساعات العقارب حت الديجيتال كثير منهم يستخدمون نفس التوقيت بس طبعاً أقل بكثير من ساعات العقارب، الظاهر يبون الناس لا إرادياً يتذكرون العقارب ببالهم ومعاه يحسون بسالفة الابتسامة، الله أعلم.:ohwe:
يعطيكي العافية🌹