عزيزتي
لاتظلمي نفسك اكثر وتضيعي عمرك وشبابك وانتي بهذا الوضع
انت تقولين انكم كتبتوا عليه مبلغ من المال تقدرون تهددونه بهذا المبلغ وتجبرونه يطلق ..
وبالنسبة لبنتك على كلامك عمرها الآن 4 سنوات بعد ثلاث سنوات يعني عندما تبلغ 7 سنوات يحق له انه يأخذها وحتى تبلغ هالعمر تقدرين تتصرفين وتضمنين بقاءها عندك
اما تدفعين له حتى يتنازل عنها
او يكلمه احد ويطلبه منه هالشيء ويمكن يتنازل بدون مقابل اذا كان غير متحمل للمسؤلية وظروفه ماتسمح له انه يعولها

المهم فكري الآن بطلاقك واسعي لنيله بأسرع وقت حرام تبقين كذا لازوجة ولاحرة ولاتستلمي للخوف والشكوك تشجعي وخلصي نفسك من هالوضع
ولاتنسي الدعاء واللجوء الى الله والتقرب والاستغفار حتى يتسهل امرك بحول الله وقوته

ااختي مااقول لك الا اشتري حريتك
بأسرع وقت ..
لأن انتي الخسرانه بمضي الوقت..
للأسف زي ماتشوفين هو كمل حياته عادي..
ماعليك ربي حسيبه ..اللي علقك كل هالسنين..
ربي يمهل ولايهمل..
لاتتحسفين ياقلبي انتي على حريتك بفلوس الدنيا..
ولاتنقهرين ربي بيعوضك ان شاء الله خير.
الله يفرج لك.ويخلي لك بنيتك.

السلام عليكم ورحمة الله وبركاته،،،
حبيبتي..
في البداية هو طلقك بالثلاث..وهي لفظاً..!!
هل كان معكم احد بعدما قالها..؟؟
هل سألتي الشيخ عن حكم من طلق زوجته بالثلاث لفظ هل تعود إليه اما لا..
اسفة لا أريد ان ادخل راسك في متاهات..ودوخات، لكن هذا الشرع
إسالي اي شيخ عن وضعك السابق، بعدما طلقك ثم ارجعك...
****
وكما قال الأخوات بما نك موظفة ومعك المادة، اطلبي الطلاق بشكل رسمي، أو اخلعي
هذا الرجال ما يجي منها غير عوار الرأس..
والله يعينك..

ياحبيبتي


الله يكون في عونك


ويعوضك خير


امين


وزوجك اخلعيه

وباسرع وقت , يكفي الوقت اللي راح

والقصد هو انك مستحيل ترجعين له والشي الثاني عشان تكملين حياتك ,واذا حصل مشروع زواج ثاني لك

لا تستعجلين استخيري اكثر من مره ولا تتنازلين عن اي شي لك مهر , ولك شروط بعقد الزواج مثل سكن مستقل ,وظيفه

وصدقيني الحياة قدامك عيشيها

وياما ناس تطلقوا واتزوجوا مره ثانيه واتوفقوا

الحمد لله




وتزوجي وكملي حياتك


واعتبري اللي راح كله ما ضي

وكله قضاء وقدر

وقولي دايما الحمد لله على كل حال

انا لله وانا اليه راجعون اللهم اجرني في مصيبتي واخلف لي خيرا منها

وفيه شي مهم

اعيدي النظر في علا قتك مع الله

حافظي على الصلاة بوقتها

تصدقي

ساعدي الناس لان ( الله في عون العبد ماكان العبد في عون اخيه )

صومي النفل


والله يوفقك امين

ويعوضك خير

زاجل , قمر ونجوم , عزيزة نفس , الواثقة من نفسها , جبل شامخ , محبه ال البيت

جزاكم الله خير وان شاء الله ان استعين بالله والدعاء وهذا اللي مهدي نفسي وملهمني الصبر وشوفت بنتي تكبر قدامي وحبها لي ولأهلي الحمد لله معوضني كثير
وعسى الله لا يحرمكن اجر المواساة

******************************************************************
مــــــــــــلاك2004 , مشاعل الرياض , العامريه , هاجر24

كل اللي الحين اسويه مجرد اكتساب الوقت لانه انكر انه طلقني وحلف على المصحف انه ما طلق ولا هو وصلني لبيت اهلي واني انا اللي خرجت من المنزل ولا فوق هذا سرقته ؟؟؟؟؟؟؟

وفي المحاكم القول قول الرجل لان ما عندي شهود هو طلق وانكر كلمتي ضد كلمته وقضائنا يرى القول قول الرجل في امور الطلاق( يعني ان عنده ذمه )
الحين من انفصلت عنه قريب الخمس سنوات بالتمام احسبيها نفقة مجمدة لي تطلع لي مبلغ وهذا اللي اهدده فيه جديد

في الفترة الاخيرة

اشوفه حسب حسابه ويسعى للطلاق بس بشرط
ان اتنازل عن نفقة البنت ؟؟؟؟؟؟؟؟؟


يدفع 500 درهم ويقول تنازلي عنها وبتنازل عن البنت

اخر شيء سويته اني بحثت عن محامية وخليتها تكتب لي صيغة تنازل مافيها اي ثغرة وعرضتها على اكثر من محامي وقاضي وشفت رأيهم واني اتنازل عن كل شيء من والى ولا بطالبه بشيء مقابل طلاق وتنازل عن البنت

مرات في داخلي اقول انا كسبت ومرات ارد اقول انتي وصلتي لكلمته " انا خذيتج ببلاش وبرميج بلاش "

ارد اقنع نفسي واقول هذا الشيطان يخرب عليج لا تسمعين كلامه انتي الكسبانه

الموضوع هذا الحين توصلنا له وهي ورقت اتفاق

بس تعرفون من متى يماطل فيها من قريب النص سنه ونحن نلف على الموضوع هذا
اخر شيء اتفقنا وحددنا موعد للمحكمة ونوثق العقد
سافر ولا رد الا من قبل كم يوم

بس كل اللي اتمناه ان الله يثبتني واتحمل الفترة الجاية

وانا قلت للاخوات في ردي الاول

ان اذا جاني الزوج اللي بيتحملني وبنتي وبيرفق فيني ولا يأذيني بكلمه حتى مستعدة اكون له الزوجة اللي يتمناه واذا كان الزواج وراه هم ومشاكل انا كذي مرتاحة الحمد لله

اشكركم كلكم اخواتي الكريمات

وعسى الله يجمعني وياكم على خير

الله يسعدكم جميع يا رب ولا يضيق خاطركم بشيء ولا يحرمكن الفردوس


اختكم

المُــــعلقة