معقولة أب يُغصب ولده يتزوج الثانية ؟؟ الله يدبرني

مساء الخير




محتاجة استشاااارة عاجلة ... يارب تعطوني وجه
الله يسعدكم يارب
انا وحدة مطلقة ... كبيرة بالسن ...اخر الثلاثينات موظفة
بدون اولاد.. مرتاحة مادية ومستقلة وشخصيتي
قوية ... ولكن تظل الأنثى تحتاج للرجل وتغلبها عاطفة 
الأمومة
انتقلنا وعائلتي منذ ستة أشهر لمنطقة جديدة بعد ان 
من الله علينا وعمرنا بيت العمر وخلصناه
جارنا في المنطقة رجل كبيييير جدا بالسن اتوقع بالسبعين
دايم يقابل اخوي بالمسجد ويقط عليه كلام عني يللللمح
كنت أحسه يراقبني ويتتبع طلعاتي ودخلاتي
دشيييت مزااااااااجه ... وكلنا عرفنا انه ناوي على شي




قبل أسبوعين تقدم واحد من عياله متزوج ومعه عيال 
لاخوي ... 
اولا : مايعرف اني مطلقة وعلمناه.. 
ثانيا: طلع اصغر مني وعلمناه ... فرق 3 سنوات
ثالثا: راح بعد يومين رد وقال انه هون ... والحمدالله
قبل اسبوع بالظبط ... تفاجأنا بزيارة حريمهم بدون موعد
استقبلناهم وقمنا بالواجب 
في يومين رجع الشايب يخطب ويدور الرضا ...
قلنا لهم ولدكم مايبي هو الي رفض والبنت هونت بعد
جابه لنا وتقدمو رسمي وسألونا عن شروطنا وطلباتنا 
حتى امي كلموها واخذو بخاطرها وشافو وش طلباتها
وشروطها...
اخوي مرتاح للولد .. بالخطبة سألناه ليش رفضت 
اعتذر وقال انا جبتلكم الوالد ؟؟!! 
مدري من الي جاب الثاني ...الله اعلم
أمس رد الشايب لآخوي يبنا نروح نحلل للزواج ...
وينه هو طيب وش محله من الاعراب ؟ 
احس كني بتزوج الشايب!!!!
ابوه بالخطبة قال كلام كثير وانه يضمن ولده
وانه يبي يأخذ اجري وأجيب لي ذرية
وانه حقوقي كاملة ومكملة ومامقصرين معي ان صار
نصيب...
شروطنا كلها كانت انه يخاف الله فيني
وياخذ لي بيت بعيد عن بيت ابوه الي ساكنة
فيه زوجته وعيالها... وبس
انا طول الوقت استخيييير يابنات
اخاف انه مغصووب ... 
اخاف ابوه الي جابره بشيء وش يضمني ...
اخاف يكون شخصية مترددة مو صاحب قرار
اخاف يكون غير مقتنع وبيجامل ابوه
تعبت من التفكيييير .... انا رافضة اخد متزوج من اول
والعمر يمشي ومن يومني بنت كل الي تقدمولي معددين
الين متى ارفض 
ميزة هذه الخطبة ... انها مشهورة الحمدالله عند الحريم
قبل الرجال وحقوقي محفوظة باذن الله
الميزة الثانية العريس شاب ووظيفته زينة
الثالثة : جيران ونعرفهم ويعرفونا وكلنا مستورين ومشهود لهم
في المنطقة بالرجولة والنخوة والشهامة
موقفي انا ...
أبد من عقب طلاقي وانا أبد مافرح لا بخطوبة ولاشوفة
تقدمولي كثييير عزاب ومطلقين ومتزوجين وماصار نصيب
وانا مارفضت احد قبلتهم كلهم وقبلت في نصيبي
وفي خيرة الله عز وجل




انا في هم وضيق مرات أجي لاهلي أعلمهم اني رافضة
وشئ يردني ... صعبانة علي كرامتي ونفسي <<< على قولة إخوانا المصريين
مرات هم يهوجسون معي وليش رفض ؟ وليش رد؟
مرات اقول لين متى بتمين خايفة شوفي نصيبك وارضي
حتى لو تطلقت محد بيرد القضاء والقدر
جربي ايش وراك يمكن تطلعين بعيال ويكفونك 








ابي المشووورة لاتبخلون علي 
الخيرة علي ومع كل فرض قاعدة استخير ناقصني المشورة
مقدر استشير احد من صديقاتي او من العائلة
الموضوع حساس مالي رغبة احد يعرف شي قبل يتم








الله يعافيكم كل من دخلت ترد لو بدعوة ....