ارملة حامل @arml_haml

عضوة جديدة

معقولة مات.. معقولة صرت ارملة..

انا ماعندي عيال
جلست خمس سنين احاول الحمل واحاول وماقدرت .. يأست وفقدت الامل خلاص
و تأخرت الدورة قلت عادي ليه افرح حبيبي وبعدين اكسر بخاطره
وفي يوم كان عنده زوج واحد من قرايبه بمدينة ثانية استغليت الفرصة ورحت الدكتورة وكانت المفاجئة اني حامل
رجعت البيت احترت اتصل عليه او لا !!
انا عارفة انه راجع بعد الفرح يعني بالليل بيكون موجود خلاص اجهز المفاجئة .. صلحت البيت وجهزتة وسويت كيكة وحطيت فيها ثلاث شمعات.. اكيد بيستغرب من الثلاث شمعات !! ثلاث لان الدكتورة قالت شافت ثلاث اكياس يعني بعد صبر 5 سنين ربي بيرزقني بثلاث توائم..
دق الجوال حبيبي يقول مو جاي ممكن يبات عندهم.. زعلت وحاولت معاه بكيدي وطبعا ماخربت المفاجأة واقنعته يجي طيران عندنا ليلة رومانسية اليوم واحلي مفاجأة

اه ياقلبي ليتني خليته يبات اكيد انا السبب مارجع البيت ابد......
صار له حادث ومات علي طول .. تخيلو علي الرغم من ان الحادث مأساوي لكن جسمه ماصار له شئ غير خدوش بسيطة طبعا الحادث بسبب السرعة

انا اللي قتلته .. انا السبب انه مايفرح بعياله مات وهو مايدري بوجودهم من الاساس.. احس اني مااستحق الحياة

اكيد انا السبب
هو ماكان راجع لولا الحاحي عليه لولا اني شوقته لهالليلة ماكان يسرع
لو خليت المفاجئة مرة ثانية... لو خليته يروح معاي الدكتورة ويسمع منها.......لو اخترت توقيت ثاني.. لو لو لو لو

راسي بينفجر خلاص

بعد وفاة زوجي انتقلت من بيتي ورحت عند اهلي بس شرطت تكون لي غرفة لوحدي وجزاه الله خير اخوي ماقصر رغم ان اخواتي كانو معترضين.. المهم جبت غرفة نومي وكل الاثاث المميز عند زوجي واللي كان يحبه ورتبته بالغرفة حتي لون الغرفة سويته ليموني زي غرفتي ببيتي صار كل جزء منها يذكرني فيه حتي كاس الشاي حقه جبته معاي.. كنت ابكي طول اليوم احس دموعي خلصت صرت ابكي بدون دموع عيوني فيها جفاف وحرقان من كثر البكاء..
توقعت اني بكون كذا مرتاحة بس يابنات احس تعبت بزيادة طيفه مايفارقني .. اشوفه بكل مكان ..
احس شئ بعقلي..
يعني انام والله احس انه ماسك بطني . اقسم بالله احس بحرارة يده ببطني
ماابغي احد من اخواتي يدخل الغرفة ولا ابغي انظفها ابغي ريحته تبقي فيها.. قبل يومين اختي اخذت المنشفة تغسلها اقسم بالله يوم فقدتها كأني فاقدة عقلي رحت لاختي زي المجنونة اتخاصم معاها طبعا تطاولت علي بالكلام تتهمني اني مجنونة ووسخة المنشفة ماتغسلت لها 3 شهور
بس هذي منشفه الغالي كل يوم الفجر اعطيه ينشف فيها قبل يروح المسجد كيف افقد ريحتها ؟؟ كيف؟؟
حتي حملي احيانا اقول هو السبب بفقداني زوجي.. وارجع اقول هم من ريحة الغالي

الله المستعان والله احس مابيني وبين الجنون الا شعرة حتي حملي الدكتورة قالت في واحد نموه اقل من اخوانه

ادعولي بنات ادعولي
بفقد عقلي ماني متصورة الحياة بدونه حاسة عقلي بيوقف عن التفكير وعيوني بتجمد مكانها حاسة بركان داخلي بينفجر
اشم ريحته بكل مكان اشوف طيفه احس بوجوده لدرجة اشك انه مات
مر ثلاث شهور وكل دقيقة انتظر اتصاله او دخلته علي
اتصل علي جواله واستناه يرد

589

77K

هذا الموضوع مغلق.

a7laaa • 15 سنة

قطعتي قلبي الله يهديك الله يغفر له ويرحمه ويجمعك فيه بجنات النعيم والله سبحانه يحبك عوضك بعيالك الله يجعلهم من الذريه الصالحه ويرزقك برهم حاسه بمعاناتك وقلبي معاك ليت بيدي شي اسويه عشان اخفف عنك

ما عُدتُ أنا • 15 سنة

اسأل الله لك الأجر والثبات...

يا أختي..

هو رجع مب عشانك قلتي له..

هو رجع لأن له موعد مع ربه..

مكتوب على جبينه قبل ينولد..

محد يموت قبل يومه..

ولكل أجل كتاب..

بينااات • 15 سنة

ما عُدتُ أنا :

اسأل الله لك الأجر والثبات... يا أختي.. هو رجع مب عشانك قلتي له.. هو رجع لأن له موعد مع ربه.. مكتوب على جبينه قبل ينولد.. محد يموت قبل يومه.. ولكل أجل كتاب..

اسأل الله لك الأجر والثبات... يا أختي.. هو رجع مب عشانك قلتي له.. هو رجع لأن له...

شموسة الجنوب • 15 سنة

عظم الله اجرك .. واعانك الله في مصيبتك ..

حبيبتي مايجوز تقولين انا السبب...هذا يومه جا..وما احد يموت قبل يومه..

ادعيله وحافظي على صحتك عشان اللي ببطنك..واذا كنتي بجد تحبينه انتبهي على اللي ببطنك لانهم من ريحته..

وان شاء الله ربي يعوظ عليك بعيالك ويكونون سندك وعزوتك بعد ابوهم...

سوزي ام عزوزي • 15 سنة

انا لله وانا اليه راجعون
عظم الله اجرك ياقلبي.......الله يرحمه ويغفرله ويسكنه فسيح جناته ...ويارب يصبرك ويربط على قلبك ويحفظلك اجنتك ويتم خلقهم ويفرحك بهم ويعينك على تربيتهم يارب ياكريم

حبيبتي لاتلومي نفسك ....انتي مالك ذنب في وفاته ...عمره خلص وسواء بيت عندهم او عندك كان بيموت

خافي على نفسك وعلى اللي في بطنك ...لان كثر الزعل يضرهم
ولاتعذبي نفسك بالذكريات ...الله يعينك ويساعدك ويصبرك على ما بلاكي