معقولة محد يبي هالوظيفة لمدة ترم كامل.......

السلام عليكم ورحمة الله وبركاتة


يابنات وياحريم شوفولي حل والله مليت وطفشت انام على هم واقوم على هم

انا معلمة برى الرياض في المزاحمية قدمت على اجازة رعاية مولود من 3 اسابيع والمصيبة ان اجازتي المرضية باقي لها اسبوع وتخلص الزبدة انا والله ماقدمتها الااني الان في امس الحاجة لها لان المديرة ماتوافق على الاستثنائي وشغالتي راحت من شهر والجديدو مابعد جت وحتى اذا جت صعبة اخلي عيالي عندها الله يكفينا شرهم لين اتاكد منها واهلي في منطقة ثانيه وحالتي حالة ومدير شوون المعلمات اخذ رقمنا وقال اذا حصلنا بديلة دقينا عليكم وتداوم الين نحصل بديلة

معقووووووووله الى الان مالقو ااحد حتى ماعندي تخصص ادرس ابتدائي يعني وش السواااااااااة والله بس ابكي الليل والنهار :06:شايلة هم مايعلم فيه الا الله واللي قهرني زيادة ان جدولي مشيول من المعلمات بس المديرة طالبة بديلة حسبي الله عليها

بالله عطوني حل وساعدوني واللي ماعندها حل تدعيلي ان امور ي تتيسر الله يجزاكم الف خير