معقولة ؟؟.. هل ممكن يكون الرجل بلا حيوانات منوية أبداً؟؟؟؟

السلام عليكم ورحمة الله وبركاته

بلييييييييييييييز ساااعدوني وطمنوا قلبي!!!
أخيــراً وافق زوجي يفحص بس الفحص الأول قالوا لنا أنه غلط×غلط وما طلعت نتيجة
والفحص الثاني قالوا لنا أنه السائل المنوي لا يحتوي على حيوانات منوية أبـــــــــــــــداً
ولا حتى حيوانات ميته .. ولا شي أبد أبد أبد

معقولة؟!
أنا اللي أعرفه أنه ممكن يكون عدد الحيوانات المنوية 0 لأن الحيوانات ميته! بس يكون فيه شي باين

أنا هني تحطّمت قبل النتيجة كنت اقول لريلي عسى الله يرزقنا ببنت وولد وبعد بنت ثانيه تونس الأولى وولد يونس الولد .. عشان يوم يلعبون يسوون أحزاب .. حزب الأولاد وحزب البنات :hahaha:

بس لما اتصل للمختبر اسأل عن النتيجة اذا طلعت ولا لا..
كلمني الدكتور وقالي زوجج ما عنده حيوانات منوية نهائياً .. وكنت حاطه الصوت ع السبيكر..
تغير ويه ريلي وأنقلب 180 درجة.. واخترب مزاجنا بالمـــــــــــرة ..

من الصدمه انا تميت ساكته وحسيت أني فجأة تجردت من كل المشاعر.. مب قادرة أصيح مب قادرة أتكلم ومب قادرة حتى أعبّر ..

لكن ..أنا سرت للدكتوره وعطيتها نتيجة الفحص..
قال لاااااااا مستحيل ما يكون فيه "حيامن" لازم فيه .. أكيد الفحص فيه شي غلط

فـ انتو شو رايكم؟!؟!
لأني سألت دكتوره ثانية بعد فـ قالت لي ممكن .. إذا فيه حد من عايلة زوجي عقيم.. وهو فعلاً فيه شخصين من عايلة زوجي ما اييبون عيال!!!!

:06:


بلييييييييييييز بلييييييييييييييز طمنوووووووووني!!!!!