معقولة يكون حمل...؟!

حياكم الله خواتي الغاليات...

من البارحة وانا حاسة بثقل و بألم قوي ف صدري (خاصة الصدر الأيسر) خاصة بعد ماصحيت من النوم، والألم بعده مستمر معاي لليوم، واليوم الصبح بعد ماقمت من السرير حسيت بغثيان ولوعة بس بدون ترجيع .. دورتي باقي عليها تسع أيام، وهي منتظمة والحمدلله تجيني كل 28 او 29 يوم ،وآخر دورة لي بدأت بتاريخ 1-9 -2005م،،وصارلي خمس شهور من يوم تزوجت.. هل معقول يكون الي احس فيه بداية اعراض حمل؟ مع العلم ان هرمون الحليب كان مرتفع قبل شهرين (نسبته كانت 29 فاصلة 37)، وبعد مااخذت العلاج وحللت ثالث يوم من دورتي الأخيرة إكتشفت انه صار طبيعي بفضل الله تعالى (صارت النسبة 13) والطبيبة وصفت لي فيتامينات ( اقراص فوليك اسيد + B complex
وقالت لي احتمال كبير يصير حمل هالشهر وكله بإرادة رب العالمين طبعاً.. اتمنى تفسروا لي الي قاعد يصير معاي، وجعل ربي يرزقكم بالذرية الصالحة ويسعدكم بحياتكم ويسخر لكم ازواجكم ويهديهم، آمين يارب..