سلام عليكم . . هلا اختي حلا ان شاءالله تكوني بخير . . والله يمكن حالات شاذة تكون الام موهومة او تكون مريضة انه بنتها احسن منها لاحول ولاقوة إلا بالله . . انا اعرف امريكية مريضة تضرب بناتها الاثنتين لانه زوجها خانها مع وحدة ثانية لانها تنجب بنات !
والمشاركات هني حنا مانعرف القصة كاملة يعني الطرف الثاني الام يمكن مثلا مثلا الام حارمه بنتها تكلم واحد على اساس هو بيتقدم لها بس وراه بلاوي وراعي مشاكل والام تدري وعيزت تفهم بنتها والبنت مخدوعة فيه فه تجي تكتب هني امي ماتبي لي الخير .

نسيت أسألك ، سويتي فحص دم وفيتامين وحديد !
اذكر لك موضوع انك تعبانة ، بشرينا احين اشصار معاك !

فقط في عالم حواء تلقينهم البعض وليس الكل

نعم في امهات يغارون من بناتهم ويكرهونهم ويسيئون معاملتهم لدرجة ان الأم تحرض افراد الأسره عليها بكل الطرق المتاحه
اما سؤالك ليش وايش السبب ؟
حسب رأيي الشخصي ان البنت تمتلك صفات افضل منها او كان لها قبول وكلمه مسموعه عند بعض افراد العائله داخل البيت
بعض الامهات يدخلون في صراع وكراهيه مع البنت بداية شرارتها اما غيره او موقف حقد او رغبه بالانتقام تنسى فيه ان هذي مجرد طفله او مراهقه يفترض ما تاخذها منافس او ند لها وللاسف تتضخم هذي العداوه مع الايام لدرجة انها تكون نست وش السبب الحقيقي لهذي الكراهيه كل اللي تعرفه انها تعودت على ان هذي البنت ما تطيقها ولا تبلعها
وبعض الامهات للاسف يكون عندها مشاكل مع الزوج او ضغوطات وتفرغ غضبها على اطفالها او شخص واحد منهم يكونون جايبينه بالنص لا هو اول فرحه ويعشقونه ولا اخر العنقود ويدللونه يعني بالنص ضايع مثل حمل زايد ونفس الفكرة تعامله معاملة الاعداء وتحقد عليه وتستقعد له على الحرف والكلمه مع انه مجرد بزر بس لانه مايقدر يدافع عن نفسه هي تتجبر عليه .
الحياه فيها اشياء غريبه

في انا عانيت من هذا شي كان تفضيل والحب وتبجيل للاولاد فقط البنت مهمشه .