معقوله القوي ياكل الضعيف

السلام عليكم
مابي اطول عليكم بس سمعت قصه من جارتي بعد مارجعت من عند اهلها
فيه عائله فقيره تسكن بقريه وعندهم ولد يشتغل فراش في مسجد عمره 25 المهم ذهب الى البقاله واذا باولاد ينهلون عليه بالضرب ذهب للمستشفي وعملو له خياطه بالوجه من شده الضرب ثم قدم بلاغ عليهم لكن لاحياه لمن تنادي حسبي الله ونعم الوكيل وتقول اتصلت على اهلها تسال عنهم واذا بنفس الاولاد يتوعدون اخيه الاصغر
حرام والله ان قلبي تقطع على هذا الولد ام المشكله فهي
يقلون حق الولد لاتمرون من عند حارتنا على بالهم حلال ابوهم مايعرفون ان الارض ارض الله
سالتها يمكن الاولاد المضروب واخيه اخلقهم مو زينه هي تحلف انهم ماضرو احد بحياتهم وكلن يمدح فيهم حتى اهلها يقلون نعم التربيه
من جد حرام الله ياخذ حقهم
اسمعو حسب استنتاج جارتي تقول ان الاولاد من نفس قبيله مدير الشرطه علشان كذا ماسوى لهم شي
وتقول انهم يتلفضون عليهم بكلام بذي ويقلون لهم يالعبيد يالسود
معقولح احنا بدوله تحكم بالعدل يصير فيه ناس كذا
انا اخذت تلفون ام العيال وسلمت عليه والله انها حرمه بمنتهى الاخلاق وعلى قد نيتها
قلت لها انا جارت فلانه قولي حق عيالك يرحون لاماره المنطقه وياخذون حقهم من عند الامير تعرفون وش قالت
قالت الله ياخذ حقهم وبس والله العظيم اني جلست ابكي على حالهم ومقهوره من اللي صار وتمنيت ان جارتي ماقالت لي عن هذي السالفه
ارجو منكم ان تدعو لهم ان الله ياخذ حقهم عاجل غير اجل
اول مره اعرف ان افقر والسواد له قانون خاص حسبي الله ونعم الوكيل
ترى العائله فقيره جدا وتعيش علي المحسنين اللي يبي الاجر فيهم يرسلي على الخاص علشان اعطيه رقم تلفونهم وعنونهم تقول جارتي حتى الملابس المستعمله يلبسونها وهم يعيشون في بيت خشب لايحميهم من برد ولاحر وانا قررت الذهاب لهم ومد يد العون بم اقدر عليه ارجوكم الدعوه لهم ان الله يفرج كربتهم وياخذ حقهم
والله انهم اصبحو شغلي الشاغل ماعرف ليش وانا طبعي كذا ماحب اسمع مثل هذي القصص احس بقهر داخل قلبي لاني عانيت من الظلم والظاهر عندي حاله نفسيه :39:
اسفه للاطاله وعدم التنسيق بالكلام لاني اكتب با لعاميه والاملاء ارجو السموحه بس لاتنسون الدعاء