معقوله بسبب مرضي الروحي؟؟

السلام عليكم بنات

أرجو من المشرفه عدم نقل الموضوع ..رجـآء الله يخليكي..
اولا أنا مصـآبه بمرض روحي الي هو حسد شديد جدآ .. ع حسب قولة الرقـآة..
المهم ملاحظه شيء مو طبيعي ابدآ بدأت المشكله تجيني من آخر فترات الدراسه ..
كنت أجتماعيه جدآ واحب اختلط بالناس وعاديه بس فجأه كلما صاحبت وحده في البدايه نتكلم وياها عاادي ونضحك وثاني يوم اشوفها متعغيره علي!! أسألها في شيء؟ تقول لا وتروح!!
وكل يوم كذا والمشكله تزيد يوم بعد يوم !! الين اكتشفت أن وحده من صديقات المصالح هي الي تغيرهم علي !
ولحد الحين ماادري ايش تقولهم .. لاني كلما صاحبت وحده اشوفها معاها.. والله العظيم ان الناس يكرهوني كره العمى وانا ما اعرفهم ولا تكلمت معهم غير يوم واحد ..

وكـآن في بنتت تكرهني طــول فترة الدراسه بلا سبب .. وتستحقرني وتهينني أليين تخرجنا من المدرسه صارت تزورني وحبتني بشكل غريب جدآ واعترفت لي ان صديقتي المصلحيه هي الي تغيرها علي!
المهم دآيما تصير لي مشاكل مع هالبنت( المصلحجيه) وماتخلص المشكله ان خواتها ايضـآ متعاونات معها وأمهم من لما كنت صغيره تصرخ في وجهها أمامي وتقولها ( لين متى بتخليها احسن منك ؟ تقصدني ...
وكل يوم تسأل بنتها هالسؤال أمامي .. لين والله العظيم أنتكست حالتي صرت فااشله جدآ في كل حياتي ودرآستي كلها .. وبنتها صارت احسن مني ..
وتعبت معاهم كثيير لين خلاص قاطعتهم وافتكيت من شرهم حتى النحس الي ملاحقتني خف كثيرر..

بس مشكلتي مع الناس تزيد كلما صاحبت أحد زعل مني بلا سبب! بلا سبب!!
الكل كذا ّ! أسألهم فيكم شيء؟ سويت لكم شيء بلا قصد؟ يقولوا لا .!!

تخيلووا لدرجة ان وحدة من البنات المحترمات والي تحترمني جدآ سوت لي حظر بالواتس .!!
حتى تؤام روحي ,, تنفر مني بلا سبب ..
ماادري لحد الحين ليش الناس تسوي كذآ ..! مع العلم ان هالحاله جات لي بعد أصابتي بالمرض..

أمس أتصلت بوحده من البنات وهي جارتي وطيبه ومابيينا شيء غير الرسميات .. كلمتها وكانت متغيره علي جدآ وبنص الكلام قالت لي تصبحي ع خير ..بكل وقاحه!!

مع ان هالتصرفات سوتها قبل ايام بس أنا كذبت نفسي وقلت يمكن أنا شكيت ..

الغريب ان هالبنات الي تغيروا علي كان بييننا احترام وعاديين جدآ ... والله الكل الكل تغير ويناظرني بنظرات غريبه .!! وأقسم بالله انها نظرات غضب كأني سويت جريمه !!!

لو كنتوا مكاني ايش بتسووا؟ بتسألوهم أيش سبب التغيير المفاجئ.؟ والنفور ؟

ردوا والي حالتها مثل حالتي تقولي كيف تتصرف مع هالامور؟!

آسفه إذا كلامي ملخبط لاني مو مركزه وتفكيري مشوش شوي.