مرحبا ...
اخواتي اكتشفت ان الرجل ماله امان
مهما سويتي
مهما فعلتي
مهما حنيتي عليه
مارح يقدرك ولا حتى يحترمك
لاحول ولاقوة الا بالله
قصة خالتي .. كلنا حزنا لما سمعنا الخبر
تزوجت خالتي من 12 سنه سكنت في بيت اهل زوجها هي وعيالها طول 12 سنه كانت تقول لزوجها
نبي نطلع في بيت لحالنا ونكون مستقلين وهو دايم يرفض ..
خالتي عانت معاناة مع زوجها وكان يظلمها ومع ذلك كانت تحترمه وتقدره وتحفظ سره لكن
هو ماقدرها ولا قدر مشاعرها
خالتي مدرسه وكانت من ينزل الراتب ياخذه زوجها
وماكانت تقولنا .. تقول كنت ابي احفظ سمعته قدام الناس
تقول مرت الايام وجا وقالي ابي ابني بيت تقول خالتي فرحت بهالخبر وتقول كنت ادور اثاث حلو للبيت
ما درت انه يبي يجيبلها ضره ولما فكر يتزوج اشترى بيت بس مهو لخالتي طبعا لزوجه الجديده وهذا اللي قاهرني
معقوله بنات
عشره 12 سنه وبعدها يتزوج عليها بعد ماحبته وقضت ايامها الحلوه والمره معه يجيبلها ضره
اه فعلا الرجل ماله امان غدار
بنات هذي وصية خالتي ..
لا تنازلين ابدا عن حقك مهما صارت الظروف
لا تكوني مثل الكتاب المفتوح لزوجك خليك غامظه
لاتبيني حبك لزوجك دائما الرجل يمل من الزوجه اللي تبين حبها لزوجها دايما اثقلي
خلي مصروف شهري لك ولاتنازلين عنه ابد
بنات نزلت الموضوع لاني ما ابيكم تمرون باللي مرت فيه خالتي
وماابي منكن الا دعوه صادقه بالذريه الصالحه عاجلا غير اجل
يلزم عليك تسجيل الدخول أولًا لكتابة تعليق.
الله يعوضها بالاخرة ان شاء الله ما يضيع الحق عند الملك الجبار ومن ترك شيء لله عوضه الله باحسن وافضل
الصفحة الأخيرة
ويسعدها دنيا وآخره ويصلح لها أولاده ويجعلهم لها قرة عين
وتسلمين عزيزتي على مجهودك والنصائح الدرر
سلامي لخالتك
والله يحفظك