معقوله تغار مني؟؟؟؟؟؟

السلام عليكم ورحمه الله وبركاته

كيفكم يابنات حواء ان شاء الله تمام

انا عندي مشكله صارت لي من كم يوم ..مو مشكله يعني مواقف قهرتني واستغربت منها مررره

في البدايه انا عندي عمه ساكنه برا الرياض وجت من كم يوم ورحت ازورها واسلم عليها

بصراحه انا كنت كاشخه وحاطه مكياج كامل عشان تشوفني بمظهر لئق خصوصا انه صار لي سنه ماشفتها

اول مادخلت عليهم سلمت علي وجلست وتسألني عن اخباري ..وانا بعد قمت اسألها عن اخبارها واخبار عيالها

بعدين جلست مكتمه كل الوقت وتسترق النظرات لي ...وكل الوقت ضايق صدرها وماتسولف

وجابوا القهوه نتقهوى ..قالت لي وحده ماشاء الله شعرك متغير غير اول صاير احلى

قالت عمتي: عشانها حامل متغير بس بعدين يخرب.. وتقولها وهي رافعه حاجب وكأنها زعلانه

المهم قلت يمكن فيه شي مضايقها ...

بس استقبالها لي غريب جدااااااااااا توقعتها راح تستقبلني بكل ترحاب وسعه صدر...

المهم نسيت الموضوع

وحنا جالسين على العشاء صار عمي يمدح فيني ويستهبل علي ..وهي منزله راسها وكانها ماودها تسمع

المهم بعد العشاء وحنا جالسين قالت لي وحده ساعتك حلوه ماشاء الله

قلت زوجي جايبها لي زمان ..وسألتني الماس ولا زراكون

قلت زوجي يقول الماس ...

قالت عمتي :لالالا مو الماس باين عليها ..قلت لعمتي بعد مارفعت ضغطي قلت وش يدريك ؟زوجي يكذب علي يعني ؟؟

قالت خوذيها لواحد يفحصها عشان تتأكدين انها الماس ...

وطلبت عمتي اني افصخ الساعه عشان تشوف صناعتها وتتمقل منها ..وقالت بشكل قاطع وكأنها

فاهمه كل شي :لالا مو الماس اتحدى

المهم وكل سواليفها معي جافه واسلوبها بعد

وحرمت اني اروح لها دايم لأني حساسه ويضيق صدري من اي تعليق

انتم يابنات وش رأيكم بتصرفاتها وردودها بالرغم اننا صار لنا سنه ماشفنا بعض

وش هاالستقبال البارد معي انا باذات والباقي عادي :(

امانه لاتبخلون علي بردودكم