هذي قصة حقيقيه وليست من نسج الخيال
كنت بالمدرسة اول مرة اجي عندهم ولاحظت انه وحده من المدرسات ماهي مريحة بتصرفاتها نوعا ما
والكل يحاول تجنبها
حاولت اتقرب من المعلمات اللي بتخصصي واعرف وش سالفتها هذي
لاحظت عليها ان عندها لسان يزحلق الرياض بكبرها!!!!
المهم عرفت منهم هذي القصة
تزوجت ابو عيالها لانه ثري وصاحب شركات..............................وطمعانه فيه، ولما مات بسكته(يعني فجأة)
قامت ترقص زي المجنونه!!مو مفجوعه بس لان الملايين هذي صارت لها!!
(اللهم لا تجعل الدنيا اكبر همنا)
وكل قرايبها يقولون مانزلت ولا دمعة...(الله لا تنزع الرحمه من قلوبنا)
المهم اشترت قصر وغيرت اثاث البيت كاااااااااااااااااااامل وحتى عيالها الإيتام كل ملابسهم جديد في جديد
وطبعا جابت خدم واشترت 3سيارات للسواق ماشاء الله
إلى حد الان عادي الموضوع...............صح
بس العجب انها صارت مجنونه
تعالي شوفوا العجب
احبت امام مسجد وسوت فيه العجب وحصلت رقم جواله وشبعته هدايا وكلمات غزل حتى تزوجها
طبعا غيرت اثاث البيت مرة ثانيه علشانه!!!!
وبعد ماتزوجها اختلف معها في امر ما قامت وش سوت؟؟
تدرون راحت للمحكمه وطلبت الخلع منه!!!
وطبعا رمت هي الورقة بوجهه وطردته من بيتها!!!
الله لا يبلانا اللي بلاها يارب
المهم تسمع اخوها يتكلم عن صديقة بالعمل وانه راعي مواقف مضحكه وكذا
قامت وش سوت هددت اخوها اذا ما خطبته لي راح اسوي لك(..........)المهم اعطها رقمه وقامت تغازله ليل نهار باسم الحب والدين!!وامطرته هدايا هو وعياله زي الأول وانها ما تبي اي احد الا انت وووو
المهم تزوجها وبنفس الوقت هدم بيته الأول من زنها عليه(وسوى في زوجته الأولى الهوايل لدرجة لمع شوارع الرياض بوجهه من جد)
المهم حملت منه وقالوا لها الإطباء انه مشوه ولازم ينزل وتأكدت من كذا طبيب
وقامت تبكي ليل ونهار ولسوء حالتها النفسيه طاح الجنين
وقامت طردت العشيق الثاني وهو بنفسه اختصر المشوار وطلقها؟؟؟؟؟
المهم انها الحين قاعده تبحث عن ضحيه اخرى
الله لا يبلانا اللي بلاها
انا مستغربه من انها ما همها الإيتام اللي بين ايديها وهي مسؤله عنهم!!بس همها الدنيا
اللهم لا شماته
لا وبعد تتبجح قدام الله وخلقه وتقول ترى اللي ابيه ابسويه واخذه بالغصب والا الطيب!!
انتم مثلي مستغربين انه فيه امرأة (بمعنى انثى)ممكن تسوي بالأسر اللي هدمتها كذا علشان الدنيا الحقيرة!!وتشبع غرورها
طيب ما اختلف معكم ان الزواج موحرام ولا عيب لكن ليش تسوي بالرجاجيل كذا وتفرق بين الرجل وحرمته
علشان ربي عطاها فلوس طيب يقدر بنزعها منها نزع وينزع منها كل الدنيا اللي هي فيها وتكون مرميه!!
كتبت هذي القصة ما ابي اتشمت لكن ليش الطغى بنعم الله على خلقه
اتمنى تكون ردودكم مهذبه نوعا ما
زوجة ولكن... @zog_olkn
محررة برونزية
يلزم عليك تسجيل الدخول أولًا لكتابة تعليق.
الله المستعان
سبحان الله المراءه ماهي موهيأه الى قيادة اسره وعائله ولاحتى ان تملك مال
وضعف اوازع الديني له اثر كبير
سبحان الله المراءه ماهي موهيأه الى قيادة اسره وعائله ولاحتى ان تملك مال
وضعف اوازع الديني له اثر كبير
نعم في عقليات تركض ورى الدنيا حلال حرام عيب مو عيب ماعندهم مشكلة
الحمد لله الذي عافانا مما ابتلاهم الله به وفضلنا على كثير من خلقه تفضيلا ,,
الحمد لله الذي عافانا مما ابتلاهم الله به وفضلنا على كثير من خلقه تفضيلا ,,
الله يعافيها ولا يبلانا ..
ربنا لاتزغ قلوبنا بعد اذ هديتنا ..
ربنا لاتجعل الدنيا اكبر همنا ..
ربنا لاتكلنا الى انفسنا طرفة عين ولا ادنى من ذلك ..
لا حول ولا قوة الا بالله العلي العظيم ...
ربنا لاتزغ قلوبنا بعد اذ هديتنا ..
ربنا لاتجعل الدنيا اكبر همنا ..
ربنا لاتكلنا الى انفسنا طرفة عين ولا ادنى من ذلك ..
لا حول ولا قوة الا بالله العلي العظيم ...
الصفحة الأخيرة
الله لا يبلانا